Արդշինբանկը միացել է «ՍՏԱԿ» դրամական փոխանցումների հայաստանյան միասնական վճարահաշվարկային համակարգին իր մի քանի մասնաճյուղերով. Բյուզանդ, Ուրարտու, Նոր Նորք, Արաբկիր և Էջմիածին։

«ՍՏԱԿ» դրամական փոխանցումների հայաստանյան միասնական համակարգի գործունեության նպատակը ռեզիդենտ և ոչ ռեզիդենտ հաճախորդների համար պատշաճ որակի դրամական փոխանցումների իրականացման կազմակերպումն է, ֆինանսական ծառայությունների հասանելիության բարձրացումը և ՀՀ ֆինանսական համակարգի կայունության ամրապնդումը:

Արդշինբանկը Հայաստանի առաջատար բանկն է։ Այն մատուցում է բազմաբնույթ ունիվերսալ բանկային ծառայություններ՝ տրամադրելով լուծումներ մանրածախ, կորպորատիվ, ներդրումային, ինչպես նաև փրայվիթ բանկինգի ու ակտիվների կառավարման ոլորտներում։ Արդշինբանկն ունի շուրջ 570.000 հաճախորդ, որոնց սպասարկում են բանկի 2300-ից ավելի աշխատակիցներ։ Բանկում ներդրված է ծառայությունների մատուցման ու վաճառքի հզոր բազմախողովակ պլատֆորմ՝ 72 մասնաճյուղերով, համապարփակ մոբայլ և օնլայն բանկինգի համակարգերով։

Բանկն ունի երկրում ամենալայն մասնաճյուղային ցանցը, ինչպես նաև ներկայացուցչություն Փարիզում։ Արդշինբանկը Հայաստանի միակ ընկերությունն է, որն ունի աշխարհի երեք առաջատար՝ Standard & Poor's (BB- (Stable)), Moody’s (Ba3 (Stable)) և Fitch (BB- (Stable)) վարկանիշային ընկերությունների կողմից շնորհված վարկանիշեր: Բանկն ունի Հայաստանի Հանրապետության վարկանիշային մակարդակին հավասար վարկանիշ, ինչը մասնավոր կազմակերպության վարկանիշի գնահատման հնարավոր լավագույն ցուցանիշն է: 

Բանկը վերահսկվում է ՀՀ Կենտրոնական բանկի կողմից: