Արդշինբանկը շարունակում է հետևողականորեն ներդրումներ կատարել տեխնոլոգիաների և մարդկային կապիտալի զարգացման ուղղությամբ՝ հաստատելով իր դերը Հայաստանի ֆինանսական սեկտորի թվային զարգացման առաջատարներից մեկի դիրքում։ Այսպիսով՝ հունվարի 20-ին տեղի ունեցավ Արդշինբանկի մասնագիտացված IT-հաբի բացումը։
Նոր ՏՏ գրասենյակի բացումը կշարունակի զարգացնել բանկի թվայնացման ուղղությունը, թվային տեխնոլոգիաների զարգացումը, նորարարական լուծումների և պրոդուկտների մշակումը, թվային ծառայությունների հզորացումը, ինչպես նաև IT-մասնագետների համար նոր աշխատատեղերի ստեղծումը։
Նոր ՏՏ գրասենյակը կդառնա բանկի առանցքային տեխնոլոգիական կենտրոնը։ Այստեղ կմշակվեն բանկային թվային պրոդուկտներ, այդ թվում՝ մոբայլ և օնլայն բանկինգը, վերլուծական և ավտոմատացված հարթակները, բազային տեխնոլոգիաները, տվյալների մշակումը, ներդրումները, ՓՄՁ հարթակը, ինչպես նաև ներքին ծառայությունների ավտոմատացումը։ Մասնաճյուղում կաշխատեն բարձր որակավորում ունեցող IT-մասնագետներ, ծրագրավորողներ և վերլուծաբաններ։
Գրասենյակի տարածքը նախատեսված է 140 աշխատատեղի համար և ուղղված է աշխատակիցների հարմարավետությանը և ֆունկցիոնալությանը։ IT-հաբը ներառում է զոնավորված աշխատատեղեր, բանակցությունների սենյակներ՝ չկրկնվող դիզայնով, որոնցից յուրաքանչյուրը կրում է Հայաստանի հին մայրաքաղաքներից մեկի անունը։ Բացի աշխատանքային գոտիներից, աշխատակիցների համար կազմակերպված են հանգստի գոտիներ։ Սպասվում է, որ հաբը կդառնա գիտելիքների փոխանակման և կարիերայի նոր հնարավորությունների հարթակ։
Բացման արարողության ժամանակ Արդշինբանկի Թվայնացման և տաղանդների կառավարման գծով տնօրեն Հարություն Իսպիրյանը նշեց. «Մասնագիտացված ՏՏ մասնաճյուղի բացումը քայլ է սովորական գրասենյակային ոճից հեռանալու ուղղությամբ, ինչը մեր թվային տրանսֆորմացիայի ռազմավարության մասն է, որն ուղղված է ժամանակակից տեխնոլոգիական լուծումների արագ ներդրմանը, գործառնական արդյունավետության բարձրացմանը և, ի վերջո, հաճախորդակենտրոն քաղաքականությանը։ Նրա ստեղծումը թույլ կտա մեզ կենտրոնացնել տեխնոլոգիական ռեսուրսներն ու փորձը մեկ վայրում, ավելի արագ ներդնել նորարարությունները և համապատասխանել թվային բանկինգի միջազգային ստանդարտներին։ Հուսով ենք, որ հաբը կդառնա ոչ միայն աշխատանքային տարածք, այլ նաև տաղանդների ներգրավման կենտրոն, որտեղ աշխատակիցները կարող են մասնագիտորեն աճել, փոխանակել փորձը և ձևավորել մասնագետների նոր սերունդ»։
Գրասենյակը գտնվում է Արշակունյաց 11/1 հասցեում։