Արդեն մոտ մեկ դար աշխարհում ֆինանսական ոլորտի զարգացմանը հետևող և Financial Times Group-ին պատկանող The Banker ամսագիրը յուրաքանչյուր տարի գնահատում է բանկերի գործունեությունը՝ վերլուծելով նրանց ֆինանսական արդյունքները, նորարարական ծրագրերը, ռազմավարական քայլերը և հաճախորդների սպասարկման որակը։

2025 թվականի համար տարվա լավագույն բանկ անվանակարգը շնորհվեց Արդշինբանկին, բանկն արդեն հինգերորդ անգամն է ստանում այս մրցանակը։ Սա բանկի ֆինանսական կայունության, ակտիվների որակի, թվայնացման ուղղությամբ առաջընթացի, նորարարությունների և փոփոխվող տնտեսական միջավայրում արդյունավետ գործելու կարողության բարձր գնահատականն է։

Արդշինբանկի վարչության նախագահ Արտակ Անանյանը նշել է. «The Banker-ի գնահատականը պարտավորեցնող է, կարևոր ձեռքբերում է և հզոր խթան՝ շարունակելու մեր ռազմավարական նպատակների իրականացումը։ Սա ամբողջ թիմի նվիրումն ու միասնական աշխատանքի արդյունքն է, և մենք շարունակելու ենք առաջարկել առավել նորարարական ու հարմար ֆինանսական լուծումներ մեր հաճախորդներին»։

Նշենք, որ այս պատվավոր մրցանակը Արդշինբանկի այս տարի նվաճած արդեն յոթերորդ մրցանակն է: Բանկը ճանաչվել է հաղթող «Լավագույն բանկ», երկու անգամ «Լավագույն փրայվիթ բանկ», «Լավագույն կորպորատիվ բանկ», «Լավագույն կորպորատիվ սոցիալական պատասխանատվության բանկ» և «Լավագույն մանրածախ բանկ»  անվանակարգերում ըստ Global Finance և Global Banking & Finance Review ամսագրերի։

Արդշինբանկի մասին

Արդշինբանկը Հայաստանի առաջատար բանկն է։ Այն մատուցում է բազմաբնույթ ունիվերսալ բանկային ծառայություններ՝ տրամադրելով լուծումներ մանրածախ, կորպորատիվ, ներդրումային, ինչպես նաև փրայվիթ բանկինգի ու ակտիվների կառավարման ոլորտներում։ Արդշինբանկը Հայաստանի միակ ընկերությունն է, որն ունի աշխարհի երեք առաջատար՝ Standard & Poor's (BB- (Stable)), Moody’s (Ba3 (Stable)) և Fitch (BB- (Stable)) վարկանիշային ընկերությունների կողմից շնորհված վարկանիշեր: Բանկն ունի Հայաստանի Հանրապետության վարկանիշային մակարդակին հավասար վարկանիշ, ինչը մասնավոր կազմակերպության վարկանիշի գնահատման հնարավոր լավագույն ցուցանիշն է:

 

The Banker ամսագրի մասին

The Banker ամսագիրը Financial Times Group-ի մաս է և հրատարակվում է 1926-ից: Ամսագիրը տնտեսական և ֆինանսական վստահելի տեղեկատվություն է տրամադրում ֆինանսական աշխարհին՝ ներառյալ ավելի քան 5000 բանկերի, ինչն օգնում է համեմատել աշխարհի տարբեր բանկերի ֆինանսական հզորությունը և հուսալիությունը: