Moody’s վարկանիշային գործակալությունը անփոփոխ է թողել Արդշինիվեստբանկին` շնորհած տեղական արժութային ավանդների Ba2 երկարաժամկետ և Not Prime կարճաժամկետ, արտարժութային ավանդների Ba3 երկարաժամկետ և Not Prime կարճաժամկետ, ինչպես նաև ֆինանսական կայունության ('BFSR') 'D-' վարկանիշները:
Moody’s-ի չափանիշով` Արդշինինվեստբանկը արժանացել է BFSR 'D-' և Ba3 վարկանիշներին կապիտալիզացիայի բարձր մակարդակի շնորհիվ, ինչպես նաև որպես Հայաստանի ամենամեծ մասնաճյուղային ցանց ունեցող բանկերից մեկը:
Ինչպես նշեց Արդշինինվեստբանկի Վարչության նախագահ Ներսես Կարամանուկյանը. 'Եթե հաշվի առնենք անցած տարվա տնտեսական բարդ իրավիճակը, ապա Moody’s հեղինակավոր գործակալության վարկանիշների պահպանումը լավ գնահատական կարող եմ համարել մեր Բանկի համար, միաժամանակ անհրաժեշտ քայլ` դեպի կայուն զարգացում: Այս վարկանիշները մեզ հնարավորություն կտան ներգրավել միջոցներ միջազգային կապիտալի շուկաներից, ինչպես նաև ավելի զարգացնել մեր հարաբերությունները հին և նոր գործընկերների հետ` թե’ Հայաստանում և թե’ արտերկրում':