2014 թվականի ապրիլի 15-ին Արդշինինվեստբանկը հրապարակեց եռամսյակային գործունեության արդյունքները՝ շարունակելով կայուն աճ արձանագրել:
2014 թվականի առաջին եռամսյակի վերջի դրությամբ հիմնական ցուցանիշների համեմատական դինամիկան 2013 թվականի տարեվերջի հետ հետևյալն է.

Ցուցանիշ	Բացարձակ մեծություն 31/03/14թ դրությամբ (մլրդ ՀՀ դրամ)	Բացարձակ մեծության աճը (մլրդ ՀՀ դրամ)	Աճը % հարաբերակցությամբ
Ակտիվներ	277.5	8.1	3.0%
Վարկային պորտֆել, այդ թվում՝	171.7	-5.4	-3.0%
Ֆիզիկական անձանց վարկային պորտֆել	56.4	4.3	8.3%
Հաճախորդներից ներգրավված միջոցներ	182.1	23.0	14.4%
Սեփական կապիտալ	44.7	0.5	1.2%

2014 թվականի առաջին եռամսյակի Արդշինինվեստբանկի զուտ շահույթը կազմել է 1.5 մլրդ ՀՀ դրամ՝ 1,5 անգամ գերազանցելով նախորդ տարվա համադրելի ժամանակահատվածի ցուցանիշը:
Միջազգային ֆինանսական կառույցների հետ հարաբերությունների զարգացման արդյունքում Արդշինինվեստբանկը Սիթիբանկի հետ կնքեց 18 միլիոն ԱՄՆ դոլարի սինդիկացված վարկի պայմանագիր: Այս գործարքը հայկական ֆինանսական կառույցի հետ կնքված առաջին սինդիկացված վարկն է միջբանկային վարկային շուկայում, որն իրականացվել է առանց բազմակողմ զարգացման գործակալության աջակցության` մեծ հետաքրքրություն առաջացնելով ինչպես տարածաշրջանային, այնպես էլ միջազգային բանկերի մոտ:
2014 թվականի առաջին եռամսյակի ընթացքում Արդշինինվեստբանկի մշտական ակտիվ հաճախորդների քանակը աճել է ավելի քան 2000 հաճախորդով և կազմել է շուրջ 223.000 հաճախորդ:

«ԱՐԴՇԻՆԻՆՎԵՍՏԲԱՆԿ» ՓԲԸ ֆինանսական հաշվետվությունների ամբողջական տարբերակը հասանելի է այստեղ :