Ընդհանուր տեղեկատվություն մրցույթի վերաբերյալ

Մրցույթի կազմակերպիչ է հանդիսանում «Արդշինբանկ» ՓԲԸ-ն (այսուհետ` նաև Բանկ),

Մրցույթն անց է կացվում «Բանկի Սեբաստիա և Ավան, «Արդշինինվեստբանկ»-ի Տերյան, Դալմա, Կոմիտաս, Գ. Նժդեհ, Վ. Սարգսյան և Պարոնյան» մասնաճյուղերի տեսահսկման և ահազանգման համակարգերի սարքերի մատակարարման համար համապատասխան կազմա­կեր­պության (կազմակերպությունների) ընտրության նպատակով:

Մրցույթին մասնակցելու կարգը, պայմաններն ու ժամկետները

· Հրապարակային գնառաջարկների հայտերի ընդունման սկիզբն է` «17» հունվարի 2025թ., իսկ վերջնաժամկետը` «06» փետրվարի 2025 թվականը, յուրաքանչյուր աշխատանքային օր` ժամը 09:30-ից մինչև 17:00

· Մրցույթի կազմակերպման և մրցութային առաջարկների ներկայացման վայրը` ք. Երևան 0015, Գր. Լուսավորչի 13 հասցեում գտնվող «Արդշինբանկ» ՓԲԸ գլխամասային գրասենյակ,

· Մրցույթին մասնակցելու հրավերը հրապարակված է «Արդշինբանկ» ՓԲԸ ինտերնետային կայքի հայտարարութ­յուններ բաժնում (www.ardshinbank.am),

·   Մրցույթին մասնակցելու և լրացուցիչ տեղեկություններ ստանալու համար կարող եք դիմել            (012)222222 հեռախոսահամարով, կամ ուղարկել հաղորդագրություն [email protected]  էլեկտրոնային փոստի հասցեին,

·     Մրցույթին մասնակցելու համար մասնակիցը «Արդշինբանկ» ՓԲԸ ներկայացնում է`

a) մասնակցի կողմից ստորագրված և կնքված մրցութային հայտ` համաձայն հավելված 1-ի, որին կցվում են անհրաժեշտ տեղեկատվությունը և փաստաթղթերը,

b) մասնակցի կողմից ստորագրված և կնքված տուժանքի վերաբերյալ համաձայնագիր՝ համաձայն հավելված 2-ի,

c) Պայմանագրի կնքման համար այլ անհրաժեշտ տեղեկությունները հայտատուի հայեցողութ­յամբ:

Մրցույթի մասնակցության հայտով ներկայացվող տեղեկությունները և փաստաթղթերը ներկայացվում են փակ, սոսնձված, կնքված (կնիքի առկայության դեպքում) և ստորագրված ծրարով,

·        Մրցույթի հայտի ծրարի վրա կատարվում են հետևյալ գրառումները.

·      ք. Երևան 0015, Գր. Լուսավորչի 13,

· «Արդշինբանկ» ՓԲԸ Մրցութային կոմիտեին,

·      «Տեսահսկման և ահազանգման համակարգերի համար անհրաժեշտ սարքերի մատակարարման հայտ»,

·      Կազմակերպության անվանումը, հասցեն, հեռախոսահամարը, ինտերնետային կայքի հասցեն (առկայության դեպքում),

·   «Չբացել մինչև մրցույթի հայտերի բացման    նիստը» բառերը:

·  Հաղթող համարվելու համար Բանկի կողմից ներկայացված բոլոր պահանջներին համապատասխանելու, սակայն մասնակցի առաջարկված գները նմանատիպ ապրանքների շուկայական գներից ավելի բարձր լինելու դեպքում Բանկը կարող է մրցույթը չեղյալ հայտարարել:

·   Մրցույթով նախատեսված ձեռքբերումն իրականացվում է առանց կանխավճարի` միանգամից կամ փուլերով պայմանագրի և կատարողական (հանձնման-ընդունման) ակտի հիման վրա` ստանալով համապատասխան վճարներ կամ կանխավճարի անհրաժեշտության դեպքում` կանխավճարի չափով բանկային երաշխիքի ապահովում ՀՀ տարածքում գրանցված առևտրային Բանկի կողմից, ընդ որում կանխավճարի չափը չի կարող գերազանցել պայմանագրի արժեքի 20%-ը:

·            Մրցույթի մասնակիցները կարող են մրցույթին մասնակցել ամբողջական կամ առանձին Լոտերի առաջարկներով,

·   Մրցույթն ամփոփվելուց հետո 30 աշխատանքային օրվա ընթացքում հաղթող ճանաչված մասնակցի (մասնակիցների) առաջարկած գինը հրապարակվում է Բանկի կայքի մրցույթների արխիվ բաժնում:

Մրցույթում հաղթող մասնակցի որոշման կարգը

·      Մրցույթում հաղթող է ճանաչվում այն մասնակիցը, ով հաստատում է (համաձայնություն է տալիս/ընդունելի է համարում) Բանկի կողմից ներկայացված բոլոր պահանջները և միաժամանակ Բանկի կողմից սահմանված գնահատման մեթոդաբանությամբ ստանում է ամենաբարձր բալը:

·     Մրցույթն ամփոփվելուց հետո 30 աշխատանքային օրվա ընթացքում հաղթող ճանաչված մասնակցի առաջարկած գինը հրապարակվում է Բանկի կայքի մրցույթների արխիվ բաժնում:

·      Եթե երկու և ավելի մասնակիցներ առաջարկել են ամենացածր միևնույն գինը, ապա Բանկն իրավունք ունի բանակցել հավասար պայմաններ առաջարկող մասնակիցների հետ և գործարքը կնքել ամենացածր գին առաջարկած մասնակցի հետ:

·      Եթե մրցույթի ավարտից հետո 30 աշխատանքային օրվա ընթացքում Բանկը մասնակցին (մասնակիցներին) չի տեղեկացնում մրցույթի արդյունքի մասին, ապա համարվում է, որ տվյալ մասնակիցը (մասնակիցները) տվյալ մրցույթում հաղթող չի (չեն) ճանաչվել:

Մրցույթի հաղթողի հետ պայմանագրի կնքման կարգն ու պայմանները

·      «Արդշինբանկ» ՓԲԸ-ն մրցույթի հաղթողի հետ կնքում է համապատասխան պայմանագիր:

·      Մրցույթում հաղթող մասնակցի մատակարարման դիմաց վճարումները կիրականաց­վեն անկանխիկ եղանակով` բանկային փոխանցմամբ` «Արդշինբանկ» ՓԲԸ-ում մասնակցի գործող բանկային հաշվի միջոցով:

·      Մատակարարումները կատարվում են համաձայն մրցութային առաջարկի և պայմանագրում ամրագրված պայմանների:

Մրցույթի հայտարարությանը կից հավելվածներ

·      Մրցույթի հայտ – Հավելված 1

·      Տուժանքի մասին համաձայնություն – Հավելված 2

·      Մատակարարման պայմանագիր