Mastercard World Black Edition վարկային քարտ
«Արդշինինվեստբանկ» ՓԲԸ կողմից թողարկված Mastercard World Black Edition քարտի սակագներին կարող եք ծանոթանալ այստեղ։
Հիմնական պայմաններ
Լրացուցիչ պայմաններ
Փաստաթղթեր
Նախկին պայմաններ
|
|
Mastercard World Black Edition - ուժի մեջ է 12․08․2026թ․-ից |
ՀՀ դրամ |
|
1. Հիմնական միջնորդավճարներ |
||
|
1.1 |
Անվճար |
|
|
1.2 |
Քարտի տրամադրում (թողարկում)1՝ լրացուցիչ ծառայություններից 2 օգտվելու դեպքում |
7,000 ՀՀ դրամ |
|
1.3 |
Քարտի սպասարկման վճար |
7,000 ՀՀ դրամ ամսական |
|
1.4 |
Քարտային հաշվի նվազագույն մնացորդ |
Չի սահմանվում |
|
1.5 |
Կից քարտի սպասարկման վճար |
4000 ՀՀ դրամ ամսական |
|
1.6 |
Կանխիկացման գործարքներ իրականացնելու դիմաց վճարներ |
|
|
|
- Բանկի բանկոմատներում քարտերով |
2.0% |
|
|
- Բանկի բանկոմատներում թվայնացված քարտով |
2.0% |
|
|
- Բանկի կանխիկացման կետերում |
3.0% |
|
|
- Arca համակարգի անդամ այլ բանկերի բանկոմատներում և կանխիկացման կետերում քարտերով |
2.0% |
|
|
- Arca համակարգի անդամ այլ բանկերի բանկոմատներում բացառությամբ ԱրՔա պրոցեսինգային կենտրոնին սեփական պրոցեսինգի միջոցով կապ հաստատած բանկերի՝ Յունիբանկ, Ինեկոբանկ, Ամիօ , թվայնացված քարտով |
2.0% |
|
|
- Այլ բանկերի բանկոմատներում թվայնացված քարտով |
2.0% նվ․1,500 ՀՀ դրամ |
|
|
- Այլ բանկերի բանկոմատներում և կանխիկացման կետերում քարտերով |
2.0% նվ․1,500 ՀՀ դրամ |
|
|
- Առանց քարտի առկայության կանխիկ գումարի ստացում Բանկի դրամարկղերից (կիրառելի չէ քարտի և քարտային հաշվի փակման դեպքում) |
2.0% |
|
|
- Վճարային քարտի և քարտային հաշվի փակման դեպքում |
Համաձայն ֆիզիկական անձանց համար կանխիկով գործառնությունների պայմանների |
|
1.7 |
Քարտային հաշվին դրամական միջոցների մուտքագրման գործարքներ իրականացնելու դիմաց վճարներ |
|
|
|
- Բանկի դրամարկղից |
Անվճար |
|
|
- Քարտային հաշվի համալրում անկանխիկ փոխանցմամբ |
Համաձայն ֆիզիկական անձ հաճախորդների բանկային փոխանցումների և վճարումների սակագների ու պայմանների |
|
|
- Քարտային հաշվի համալրում Arca պրոցեսինգային կենտրոնում սպասարկվող բանկերի բանկոմատներում (Cash-in) |
1.0% |
|
|
- Քարտային հաշվի համալրում Arca պրոցեսինգային կենտրոնում չսպասարկվող բանկերի բանկոմատներում (Cash-in) |
1.5% |
|
1.8 |
Քարտային հաշվին առկա մնացորդի դիմաց օրական հաշվարկվող տարեկան պարզ (անվանական) տոկոսադրույք 3 |
|
|
|
- Օրվա ավարտի դրությամբ մնացորդը մեծ կամ հավասար է 250.000 ՀՀ դրամից կամ 500 ԱՄՆ դոլարից/ եվրո |
0.1% |
|
|
- Օրվա ավարտի դրությամբ մնացորդը փոքր է 250.000 ՀՀ դրամից կամ 500 ԱՄՆ դոլարից/եվրո |
0% |
|
1.9 |
Ապրանքների և ծառայությունների համար անկանխիկ վճարման, այդ թվում՝ QR վճարման միջնորդավճար |
Էլեկտրոնային քսակների լիցքավորում 2.0%, մնացած բոլոր գործարքների դեպքում 0% |
|
Անկանխիկ վճարման համար գործարքի գումարից հաճախորդին հետվճար (Cash-back) 4 |
2.0% |
|
Կարևոր է իմանալ
keyboard_arrow_down
◾Բանկը «Փողերի լվացման և ահաբեկչության ֆինանսավորման դեմ պայքարի մասին» ՀՀ օրեքով սահմանված հաճախորդի պատշաճ ուսումնասիրության նպատակով կարող է սպառողից «Ճանաչիր քո հաճախորդին» («Know Your Customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ սպառողին (նման պահանջի առկայության դեպքում):
◾Օտարերկյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքված համաձայնագրի համաձայն Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում։
◾ՈՒՇԱԴՐՈՒԹՅՈՒՆ՝ վարկի տոկոսագումարները հաշվարկվում են անվանական տոկոսադրույքի հիման վրա: Իսկ տարեկան փաստացի տոկոսադրույքը ցույց է տալիս, թե որքան կարժենա վարկը ձեզ համար տոկոսագումարները և վարկի տրամադրման և սպասարկման գծով բոլոր պարտադիր վճարները սահմանված ժամկետում և չափերով կատարելու դեպքում: Տարեկան փաստացի տոկոսադրույքի հաշվարկման կարգը կարող եք գտնել այստեղ։
◾ԶԳՈՒՇԱՑՈՒՄ՝ ձեր գույքը (տուն, մեքենա կամ այլ) կարող է օրենքով սահմանված կարգով բռնագանձվել, եթե դուք ժամանակին չկատարեք ձեր տոկոսագումարների և վարկի գումարների մարումները։
◾ՈՒՇԱԴՐՈՒԹՅՈՒՆ՝ ձեր կողմից պարտավորութունը չկատարելու կամ թերի կատարելու դեպքում վարկատուն 3 աշխատանքային օր հետո այդ տվյալները ուղարկում է վարկային բյուրո, որտեղ ձևավորվում է ձեր վարկային պատմությունը: Դուք իրավունք ունեք վարկային բյուրոյից տարեկան մեկ անգամ անվճար ձեռք բերել ձեր վարկային պատմությունը: Վատ վարկային պատմությունը կարող է խոչընդոտել ձեզ՝ ապագայում վարկ ստանալու ժամանակ։
◾ՈՒՇԱԴՐՈՒԹՅՈՒՆ՝ «Ձեր ֆինանսական տեղեկատուն»՝ www.fininfo.am, ֆիզիկական անձանց առաջարկվող ծառայությունների որոնման, համեմատման և ձեզ համար ամենաարդյունավետ տարբերակի ընտրությունը հեշտացնող էլեկտրոնային համակարգ է։
◾ՈՒՇԱԴՐՈՒԹՅՈՒՆ՝ վարկ ստանալու համար դիմելիս վարկատուն ձեզ կտրամադրի սպառողական վարկի էական պայմանների անհատական թերթիկ, որում կներկայացվեն ձեզ տրամադրվելիք վարկի անհատական պայմանները։
◾Վարկառուն իրավունք ունի առանց որևէ պատճառաբանության միակողմանիորեն լուծելու վարկավորման պայմանագիրը դրա կնքմանը հաջորդող 7 աշխատանքային օրվա ընթացքում, եթե վարկավորման պայմանագրով ավելի երկար ժամկետ նախատեսված չէ (մտածելու ժամանակ): Այդ դեպքում վարկառուն պարտավոր է վարկի գումարը օգտագործելու համար Բանկին վճարել տոկոսներ, որոնք հաշվարկվում են վարկավորման պայմանագրով նախատեսված տարեկան փաստացի տոկոսադրույքին համապատասխան: Վարկավորման պայմանագրի լուծման հետ կապված որևէ այլ հատուցում վարկառուից Բանկը չի կարող պահանջել:
◾ Վարկառուն իրավունք ունի ժամկետից շուտ ամբողջական կամ մասնակի կատարել (մարել) պայմանագրով ունեցած պարտավորությունները, անկախ այն հանգամանքից, թե նման իրավունք վարկային պայմանագրով նախատեսված է, թե ոչ, որի դեպքում վճարվող գումարի չափով կնվազեցվի վարկի մայր գումարը, համամասնորեն կնվազեցվի վարկառուի կրեդիտավորման ընդհանուր ծախսը։ Տվյալ դեպքում կրեդիտավորման ընդհանուր ծախսից նվազեցման ենթակա են վարկի մայր գումարի մնացորդի նկատմամբ հաշվեգրված տոկոսագումարը, վարկի մայր գումարի մնացորդի նկատմամբ հաշվեգրված սպասարկման վճարը: Ընդ որում՝ սույն կետով նախատեսված իր իրավունքն իրականացնելու դեպքում բանկը չի կարող կիրառել պատասխանատվության միջոցներ:
◾Դուք իրավունք ունեք հաղորդակցվել Արդշինբանկ ԲԲԸ հետ ձեր նախընտրած եղանակով՝ փոստային կապի միջոցով կամ էլեկտրոնային եղանակով: Էլեկտրոնային եղանակով տեղեկատվության ստացումը ամենահարմարավետն է: Այն հասանելի է 24/7 ռեժիմով, զերծ է թղթային տեղեկատվության կորստի ռիսկերից և ապահովում է գաղտնիություն։
◾ ՈՒՇԱԴՐՈՒԹՅՈՒՆ՝ վարկ ստանալու համար դիմելիս վարկատուն ձեզ կտրամադրի սպառողական վարկի էական պայմանների անհատական թերթիկ, որում կներկայացվեն ձեզ տրամադրվելիք վարկի անհատական պայմանները։
◾ Վարկային պայմանագրի լուծման հետ կապված որևէ այլ հատուցում սպառողից պահանջվել չի կարող Վարկային պայմանագրի լուծման հետ կապված որևէ այլ հատուցում սպառողից պահանջվել չի կարող:
Տեղեկատվություն սքորի և վարկային պատմության վերաբերյալ
keyboard_arrow_down
Սքորի և վարկային պատմության վերաբերյալ մանրամասն տեղեկատվությանը կարող եք ծանոթանալ այստեղ։
Քարտի արժույթից տարբերվող արժույթով գործառնություններ
keyboard_arrow_down
Քարտի արժույթից տարբերվող արժույթով գործառնությունների կատարման ժամանակ գործող արտարժույթի փոխարկման պայմաններին կարող եք ծանոթանալ Վճարային քարտերի կանոններում։
Անձնական նույնականացման համար (PIN կոդ)
keyboard_arrow_down
1. PIN կոդը նախատեսված է անձնական օգտագործման համար և հանդիսանում է վճարային քարտի չարտոնված օգտագործման դեմ պաշտպանության և հաճախորդի նույնականացման միջոց:
2. PIN կոդի պատրաստման և հաճախորդին տրամադրման գործընթացների իրականացումը նախատեսում է գաղտնիության պահպանում, որի պարագայում PIN կոդը կարող է իմանալ բացառապես քարտապանը, որին այն տրամադրվել է:
3. Քարտապանը PIN կոդը կարող է ստանալ փակ ծրարով կամ SMS-հաղորդագրության միջոցով: Ծրարով PIN կոդը ստանալիս հաճախորդը պարտավոր է ստուգել և համոզվել, որ PIN ծրարը տրամադրվում է իրեն անվնաս վիճակում, որի համար ստորագրվում է համապատասխան փաստաթուղթ: SMS-հաղորդագրության միջոցով մեկանգամյա PIN կոդը հաճախորդը ստանում է Բանկի բանկոմատ քարտը մտցնելուց և «Միանգամյա PIN կոդի ստացում» ստեղնը սեղմելուց հետո։ Հաճախորդը պարտավոր է անմիջապես մուտքագրել SMS-հաղորդագրության միջոցով ստացված միանգամյա PIN կոդը բանկոմատ և գեներացնել նոր PIN կոդ: Բանկն իրավունք ունի ինքնուրույն որոշել PIN կոդի տրամադրման եղանակը:
4. Քարտապանը պետք է պահպանի PIN կոդի գաղտնիությունը և այն հասանելի չդարձնի այլ անձանց՝ քարտային միջոցների անվտանգության նկատառումներից ելնելով: Բանկը պատասխանատվություն չի կրում քարտապանի կողմից իր PIN կոդը երրորդ անձանց հասանելի դարձնելու հետևանքով քարտի ոչ օրինական և քարտապանի կողմից չարտոնված օգտագործման համար:
5. Վճարային քարտի PIN կոդը չի օգտագործվում ինտերնետում կամ ոչ երես առ երես գործառնություններ իրականացնելու համար: Ուստի քարտապանը չպետք է իր PIN կոդը մուտքագրի ինտերնետում կամ ոչ երես առ երես այլ գործառնություններ կատարելու ժամանակ:
6. Քարտապանը կարող է փոխել իր PIN կոդը օգտվելով բոլոր այն ՖԳԻԱՍ-ներից, որոնք սպասարկում են այդ ծառայությունը: PIN կոդը ՖԳԻԱՍ-ի միջոցով փոփոխելու ֆինանսական և իրավական հետևանքների ռիսկը կրում է քարտապանը:
7. Եթե քարտապանի մոտ առկա է համոզմունք կամ կասկած PIN կոդի՝ այլ անձանց հասանելի դառնալու հետ կապված, ապա անհրաժեշտ է հնարավորինս սեղմ ժամկետներում փոխել PIN կոդը՝ օգտվելով բոլոր այն ՖԳԻԱՍ-ներից, որոնք սպասարկում են այդ ծառայությունը:
8. PIN կոդի 3 անգամ հերթական` անկախ փորձերի միջև ընկած ժամանակահատվածից, սխալ մուտքագրման դեպքում քարտի կիրառումը կկասեցվի, և գործարքների կատարումը կմերժվի, սակայն ԱԳՄ-ները չեն առգրավի վճարային քարտը վերադարձնելով այն հաճախորդին:
9. Քարտի ապակասեցման համար քարտապանը կարող է հեռախոսազանգով դիմել Բանկի Կոմունիկացիոն կենտրոն, որից հետո, քարտապանի նույնականացման համար բավարար հիմքերի առկայության դեպքում, իրականացվում է քարտի ապակասեցում:
10. ՖԳԻԱՍ-ների կողմից առգրավված վճարային քարտերը տրամադրվում են քարտապաններին`
◾ եթե առգրավվել են Բանկի ԱԳՄ-ներում, քարտերի տրամադրումն իրականացվում է առգրավման օրվանից 5 աշխատանքային օրվա ընթացքում
◾ եթե առգրավվել են «Արքա» համակարգի անդամ բանկերի ԱԳՄ-ներում, քարտերի տրամադրումն իրականացվում է Բանկի Գլխամասային գրասենյակում` Բանկի կողմից քարտերը ստանալու օրվանից 3 աշխատանքային օրվա ընթացքում,
◾ եթե առգրավվել են «Արքա» համակարգի անդամ չհանդիսացող բանկերի ԱԳՄ-ներում, քարտերի տրամադրումն իրականացվում է տվյալ բանկում գործող ներքին իրավական ակտերով սահմանված պայմաններով, և վերջինի կողմից քարտի ոչնչացման համար Բանկը պատասխանատվություն չի կրում:
11. Բանկը պատասխանատվություն չի կրում այլ Բանկերի ԱԳՄ-ներում առգրավված վճարային քարտերի` հաճախորդներին տրամադրման համար:
12. Եթե հաճախորդը չի դիմում Բանկին վճարային քարտը առգրավվելուց հետո 30 օրացուցային օրվա ընթացքում, Բանկը կարող է ոչնչացնել առգրավված վճարային քարտը:
13. «Առգրավված քարտի տրամադրումը իրականացվում է քարտապանի կամ նրա լիազորված անձի՝ Բանկ ներկայանալու և նույնականացվելու դեպքում, ընդ որում, առանձին դեպքերում, Բանկի թույլտվությամբ, առգրավված վճարային քարտը կարող է տրամադրվել քարտապանին կամ նրա լիազորված անձին նաև առգրավում իրականացրած բանկի կողմից:
14. Առգրավված քարտի տրամադրման անհնարինության դեպքում քարտապանը կարող է դիմել Բանկին վճարային քարտը վերաթողարկելու համար:
Բանկի և քարտապանի պարտավորությունները
keyboard_arrow_down
Բանկը պարտավոր է
1. քարտապանին նոր թողարկված կամ վերաթողարկված վճարային քարտն ուղարկել կամ Բանկի մասնաճյուղերում ստացման համար հասանելի դարձնել Վճարային քարտերի կանոնների 3.3 կետում նախատեսված կարգով և ժամկետներում,
2. ապահովել վճարային քարտի սպասարկումը` համաձայն Visa International, MasterCard Worldwide, Arca, Mir վճարահաշվարկային համակարգերի կողմից ընդունված կանոնների և Պայմանագրի,
3. 30-օրյա պարբերականությամբ քարտապանին տրամադրել քաղվածք` նրա նախընտրած եղանակով,
4. կանխիկ կամ անկանխիկ եղանակով իրականացնել գումարների մուտքագրումը Քարտային հաշվին` ոչ ուշ, քան համապատասխան հանձնարարականի (այդ թվում՝ նաև վճարահաշվարկային կազմակերպություններից և պրոցեսինգային ընկերությունից ստացված վճարահաշվարկային փաստաթղթերի) և համապատասխան գումարի (կամ գումարը Բանկի հաշիվներին մուտքագրելու պարտավորության) Բանկ մուտքագրելու օրվան հաջորդող բանկային օրը,
5. կանխիկ կամ անկանխիկ եղանակով իրականացնել գումարների ելքագրումը Քարտային հաշվից` ոչ ուշ, քան համապատասխան հանձնարարականի (այդ թվում՝ նաև վճարահաշվարկային կազմակերպություններից և պրոցեսինգային ընկերությունից ստացված վճարահաշվարկային փաստաթղթերի) Բանկ մուտքագրելու օրվան հաջորդող բանկային օրը:
6. Վճարային քարտերի կանոնների 8.1 կետով սահմանված կարգով իրականացնել գործարքների բողոքարկման գործընթացը,
7. Վճարային քարտի կորստի վերաբերյալ քարտապանից ծանուցում ստանալուն պես՝ կատարել վճարային քարտի գործողության կասեցում:
8. քարտային հաշվի մնացորդին հաշվեգրել (կուտակել) և վճարել տոկոսներ` Վճարային քարտերի կանոնների 4.11 կետով սահմանված կարգով,
9. ՀՀ օրենսդրությամբ և Պայմանագրով սահմանված կարգով պահպանել քարտապանի վերաբերյալ իրեն հայտնի դարձած բանկային գաղտնիք կազմող տեղեկությունները:
Քարտապանը պարտավոր է
1. առաջարկ-դիմումը լրացնելիս՝ իր կամ իր կողմից տվյալ գործարքի իրականացման համար պատշաճ կերպով լիազորված անձի վերաբերյալ տրամադրել հավաստի տեղեկություններ,
2. իրականացնել գործարքներ միայն քարտային հաշվի մնացորդի (վարկային սահմանաչափի), հավաստագրման և վճարային սահմանաչափերի սահմաններում,
3. վճարել Բանկին վճարային քարտի և կից քարտերի և քարտային հաշվի սպասարկման հետ կապված բոլոր վճարները և տուժանքը, որոնք բխում են Պայմանագրից և Visa International, MasterCard Worldwide կամ Arca վճարահաշվարկային համակարգերի կանոններից,
4. վճարել քարտային հաշվի գերածախս առաջանալու դեպքում 30 օրվա ընթացքում, իսկ վճարային քարտի վարկավորված լինելու դեպքում` վարկային պայմանագրով սահմանված կարգով և ժամկետներում մարել առաջացած գերածախսի գումարը և հաշվարկված տուժանքը,
5. վճարային քարտի գործողության դադարեցման դեպքում ոչնչացնել այն 5 աշխատանքային օրվա ընթացքում,
6. վճարային քարտի կամ կից քարտերի կորստի կամ քարտի վավերապայմանների (ռեկվիզիտների) և (կամ) PIN-կոդի` այլ անձանց հասանելի դառնալու կասկած ունենալու դեպքում այդ մասին անմիջապես տեղեկացնել Բանկին` վճարային քարտի կասեցման համար,
7. նախկինում կորցրած վճարային քարտը կամ կից քարտերը գտնելու դեպքում ոչնչացնել դրանք:
8. չբողոքարկել PIN-կոդի մուտքագրմամբ իրականացված գործարքները` դրանք իր կողմից չթույլատրելու և/կամ չիրականացնելու հիմքերով,
9. 6 ամիս պահպանել վճարային քարտով կամ կից քարտերով իրականացված գործարքների արդյունքում տրամադրված անդորրագրերը և բողոքարկման վերլուծության ընթացքում Բանկի պահանջով ներկայացնել դրանք,
10. գործարքների վերաբերյալ իր անհամաձայնությունը կամ բողոքը ներկայացնել Վճարային քարտերի կանոնների 8.1 կետով սահմանված կարգով և ժամկետներում,
11. 10 օրացուցային օրվա ընթացքում Բանկին տեղեկացնել հեռախոսահամարի, աշխատանքի, բնակության վայրի և նախկինում տրամադրված այլ տեղեկությունների (անձնական տվյալների) փոփոխությունների մասին,
12. գործարքների իրականացման ժամանակ սպասարկող աշխատակցի պահանջով ներկայացնել անձը հաստատող փաստաթուղթ,
13. առևտրի և սպասարկման կետերում գնված ապրանքների կամ մատուցված ծառայությունների որակից դժգոհ լինելու և/կամ ընդհանրապես ապրանքները կամ ծառայությունները չստանալու դեպքում նախևառաջ համապատասխան կետից պահանջել պատշաճ որակի ապրանքի/ծառայության տրամադրում և միայն դրանից հետո դիմել Բանկ` վճարված գումարի բողոքարկման գործընթաց սկսելու համար,
14. Բանկի պահանջով փոխհատուցել բողոքարկվող գումարի հետգանձման հետ կապված Բանկի կատարած բոլոր ծախսերը,
15. երրորդ անձանց չփոխանցել վճարային քարտը կամ կից քարտերը և PIN-կոդը,
16. Բանկից չպահանջել գործարքների կատարման և քարտային հաշվին փաստացի հաշվանցման ժամանակահատվածում արտարժութային փոխարժեքների տատանումից առաջացած հնարավոր կորուստների փոխհատուցում,
17. համաձայնվել Վճարային քարտերի կանոնների 4.5 կետով սահմանված արտարժույթի փոխարկումների իրականացման կարգին և փոխարժեքներին,
18. օտարերկրյա երկրների օրենսդրությամբ ստանձնած հարկային պարտավորությունների կատարման նկատմամբ հսկողություն իրականացնելու, պարտավորությունների պատշաճ կատարումը ապահովելու, այդ պարտավորությունների ցանկացած փոփոխությունը բացահայտելու նպատակով, Բանկի առաջին իսկ պահանջով վերջինիս տրամադրել ցանկացած տեղեկատվություն, հաշվետվություն և փաստաթուղթ` Բանկի սահմանած ձևով, և ցանկացած այլ եղանակով համագործակցել Բանկի հետ,
19. Վճարային քարտերի կանոններով սահմանված դեպքերում ոչնչացնել վճարային քարտը` վերջինիս մագնիսական ժապավենը և (կամ) չիպը կտրատելու (դակելու) միջոցով,
20. խստորեն հետևել Պայմանագրին:
Բանկի և քարտապանի պատասխանատվությունը
keyboard_arrow_down
1. Քարտապանը պատասխանատվություն է կրում Պայմանագրով նախատեսված իր պարտականութունների չկատարման և (կամ) ոչ պատշաճ կատարման համար:
2. Այն վնասը, որը պատճառվել է Բանկին քարտապանի կողմից Պայմանագրով նախատեսված իր պարտականությունների ոչ պատշաճ կատարման հետևանքով, ենթակա է փոխհատուցման ամբողջ չափով:
3. Բանկը պատասխանատվություն է կրում քարտապանի, վճարային քարտի և գործարքների հետ կապված ամբողջ տեղեկատվության գաղտնիության պահպանման համար` համաձայն ՀՀ օրենսդրության և Պայմանագրի:
4. Բանկը պատասխանատվություն չի կրում իր վերահսկողության շրջանակներից դուրս տեղի ունեցած կոնֆլիկտային իրավիճակների համար, որոնք կապված են այլ բանկերի սպասարկման կետերի կողմից վճարային քարտը (կից քարտերը) սպասարկման չընդունելու, իրեն կամ այլ բանկերին պատկանող ծրագրա-տեխնիկական սարքերի անսարքության (ՖԳԻԱՍ-ներ և տերմինալներ), ինչպես նաև` քաղվածքների ավտոմատացված ուղարկման դեպքում ծրագրային խափանումների հետևանքով քաղվածքների չստացման համար:
5. Քարտապանը պատասխանատվություն է կրում Պայմանագրով ստանձնած պարտավորությունների համար՝ անկախ մեղքի բացակայությունից:
6. Բանկը պատասխանատվություն է կրում կորցրած վճարային քարտի ոչ օրինական օգտագործմամբ քարտապանին պատճառված վնասների համար միայն կորստի վերաբերյալ ծանուցում ստանալու և միայն դրանից հետո իր կողմից հավաստագրված գործարքների համար, բացառությամբ Stand-in հավաստագրում ստացած գործարքների:
7. Վճարային քարտի կասեցում իրականացնելուց հետո Բանկը պատասխանատվություն է կրում ցանկացած հավաստագրված գործարքի համար, բացառությամբ Stand-in հավաստագրում ստացած գործարքների:
8. Քարտապանը ֆինանսական պատասխանատվություն է կրում առանց հավաստագրման վճարային քարտով կամ դրա վավերապայմանների միջոցով և կից քարտերով կատարված գործարքների համար:
9. Քարտապանի կողմից Վճարային քարտերի կանոնների 10.1.18 կետով ստանձնած պարտավորություններ չկատարելը կամ ոչ պատշաճ կատարելը կարող է հիմք հանդիսանալ վերջինիս կողմից օրենքի ուժով, այդ թվում` օտարերկրյա երկրների օրենսդրությամբ, ստանձնած հարկային պարտավորությունների կատարման նկատմամբ հսկողություն իրականացնելու պարտավորություն ստանձնած այլ մարմինների և անձանց կողմից` բանկային համակարգի միջոցով կատարվող գործարքների դեպքում, քարտապանի դրամական միջոցներից պահումներ կատարելու համար:
10. Քարտապանը ֆինանսական պատասխանատվություն է կրում վճարային քարտով կամ դրա վավերապայմանների կիրառմամբ և կից քարտերով կատարված իր կողմից չարտոնված և (կամ) չիրականացված բոլոր գործարքների համար, եթե չի իրականացվել վճարային քարտի կասեցում, բացառությամբ Stand-in հավաստագրում ստացած գործարքների:
11. Քարտապանի կողմից կից քարտերի փակման մասին ծանուցում ստանալուց հետո Բանկը պատասխանատվություն չի կրում կից քարտերով արդեն կատարված չհավաստագրված գործարքների համար:
12. Բանկը որևէ պատասխանատվություն (գույքային, ֆինանսական եւ այլն) չի կրում քարտապանի առջև երրորդ անձանց կողմից կեղծված կամ զեղծարարությամբ քարտապանին տրամադրված քարտի օգտագործմամբ իրականացված գործարքների հետևանքով քարտապանին պատճառած վնասների համար և քարտապանին այդ եղանակով պատճառված վնասները Բանկի կողմից չեն հատուցվում:
13. Բանկը պատասխանատվություն չի կրում Վճարային քարտերի կանոններով սահմանված կարգով հաճախորդի կողմից վճարային քարտի ոչնչացում չիրականացնելու պատճառով հաճախորդի կրած վնասների կամ այլ բացասական հետևանքների համար:
14. Բանկը չի կրում Քարտապանի քարտով զեղծարարության/խարդախության կատարման ռիսկը և դրանով պայմանավորված որևէ ֆինանսական պատասխանատվություն, եթե քարտապանը, ստանալով SMS տեղեկացումը իր քարտով կատարված գործարքի վերաբերյալ, անհապաղ չի տեղեկացրել Բանկին այդ գործարքը իր կողմից կատարված լինելու կամ չլինելու վերաբերյալ:
15. Եթե քարտապանը սահմանված կարգով դիմել է Բանկ իր քարտի համար SMS տեղեկացման ծառայությունը ակտիվացնելու համար, որից հետո չի ստացել տեղեկացում քարտով կատարվող գործարքների վերաբերյալ, ապա այդ գործարքների գծով զեղծարարության/խարդախության ռիսկը կրում է Բանկը, բացառությամբ այն դեպքերի, երբ գործարքը վավերացված է Քարտապանի կողմից կամ վերջինիս կողմից գործարքի բողոքարկումը ենթակա է մերժման Վճարային քարտերի կանոնների 8-րդ գլխին համապատասխան, որոնց դեպքում կատարված գործարքների ֆինանսական հետևանքները կրում է քարտապանը:
16. Վճարային քարտերի կանոնների 11.14․14 և 11.15․15 կետերով սահմանված դրույթները չեն կիրառվում այն դեպքում, երբ քարտապանին SMS հաղորդագրության միջոցով գործարքի վերաբերյալ ծանուցումը ժամանակին կամ ընդհանրապես չի տրամադրվել կամ քարտապանը կանխարգելիչ միջոցառումներ չի իրականացրել կապի խափանման կամ հեռահաղորդակցման օպերատորի մոտ ծագած տեխնիկական կամ այլ խնդիրներ առաջանալու հետևանքով:
17. Մինչև քարտի կորստի, գողության, զեղծարարության (կամ կասկածի) մասին Բանկին տեղեկացնելը վճարային քարտով կատարված գործարքների համար պատասխանատվությունը կրում է Քարտապանը, բացառությամբ Վճարային քարտերի կանոնների 11.15․15 կետով նախատեսված դեպքերի:
18. Հաճախորդը պատասխանատվություն է կրում Բանկին պատճառված բոլոր վնասների համար (ներառյալ՝ բաց թողնված օգուտը) և սույնով անհետկանչելիորեն հանձնարարում է Բանկին անակցեպտ կարգով Բանկին պատճառված վնասի գումարները դուրսգրել Հաճախորդի բանկային հաշիվներից և ուղղել այդ պարտավորությունների մարմանը:
19. Բանկը պատասխանատվություն չի կրում Հաճախորդին սպասարկելու ընթացքում Հաճախորդի կորուստների և վնասների համար, եթե դա արդյունք է կապի կազմակերպությունների, վճարահաշվարկային կազմակերպությունների, համակարգի օպերատորների և այլ երրորդ անձանց կողմից տրամադրվող ծառայությունների ընդհատման, դադարեցման, պետական մարմինների ակտերի, միջազգային իրավունքի նորմերի, միջազգային կառույցների և/կամ օտարերկրյա պետությունների կողմից սահմանված պատժամիջոցների հիման վրա կիրառված միջոցների բլոկավորումների (սառեցումների), անհաղթահարելի ուժի ազդեցության, հաճախորդի գործողությունների (անգործության), ինչպես նաև հաճախորդի կողմից իր իրավունքների չարաշահման և իրավասությունների սահմանազանցման: Բանկը նաև պատասխանատվություն չի կրում քարտով կատարված գործառնությունների համար` Հաճախորդի մահվան (լուծարման), անգործունակության, անվճարունակության կամ սնանկության, ինչպես նաև նման այլ դեպքերում, եթե չի ստացել նշված փաստերի վերաբերյալ գրավոր հավաստում և այդ հանգամանքը ազդել է Բանկի վարքագծի վրա: Ընդ որում, Բանկը, հիմք ընդունելով օրենսդրության պահանջները, համապատասխան փաստերը հիմնավորող փաստաթղթերի բավարար լինելը որոշում է իր բացառիկ հայեցողությամբ:
20. Վճարային քարտը հանդիսանում է Բանկի սեփականությունը
և ենթակա է ոչնչացման՝ դրա վավերականության ժամկետի ավարտի դեպքում, դրանից հրաժարվելու
դեպքում կամ Բանկի պահանջով։ Ընդ որում, վճարային քարտի ոչնչացումն իրականացվում է
հաճախորդի կողմից։
21. Քարտապանը ֆինանսական պատասխանատվություն է կրում այն
գործառնությունների համար՝ անկախ մեղքի բացակայությունից, որոնք իրականացվել են վճարային
քարտով (ներառյալ դրա բոլոր վերաթողարկումները) կամ դրա վավերապայմանների կիրառմամբ
և (կամ) ներկայացվել են Բանկին վճարահաշվարկային համակարգերի կողմից՝ վճարային քարտի
և քարտային հաշվի փակման դիմումը ներկայացնելուց և (կամ) քարտային հաշիվը փակելուց
և (կամ) պայմանագիրը լուծելուց հետո, եթե դրանք հաշվանցվել են Բանկի կողմից և իրականացվել
են վճարահաշվարկային համակարգերի կանոններին համապատասխան և (կամ) առկա են քարտապանի
կողմից դրանց իրականացման հիմքերը։
22. Պարտավորությունները ենթակա են կատարման՝ դրանց առաջացումից
հետո 30 օրվա ընթացքում։
Սույն կետով սահմանված պատասխանատվությունը չի առաջանում, եթե
գործարքը (գործառնությունը) կատարվել է վճարային քարտի վավերականության ժամկետի ավարտից
45 օր հետո (սկսած 46-րդ օրվանից)։
Քարտային գործառնությունների բողոքարկում
keyboard_arrow_down
1. Վճարային քարտով կամ դրա վավերապայմանների կիրառմամբ ցանկացած գործարքի կատարման արդյունքում խնդիրների առաջացման դեպքում (այդ թվում՝ ավել գանձված գումարներ, չառաքված կամ չտրամադրված ապրանքներ կամ ծառայություններ, առաքված ապրանքների անհամապատասխանություն և այլն) քարտապանը կարող է սահմանված կարգով դիմել Բանկին գործարքի բողոքարկման համար, եթե խնդիրը անմիջապես առևտրի և սպասարկման կետի հետ լուծելու բոլոր հնարավոր միջոցներն ու տարբերակները սպառված են:
2. Գործարքի բողոքարկում իրականացնելու համար քարտապանը Բանկի կողմից սահմանված կարգով գրավոր դիմում է Բանկին: Ընդ որում, դիմումը կարող է ներկայացվել ինչպես Բանկ այցելելու միջոցով, այնպես էլ հեռահաղորդակցման միջոցով Վճարային քարտերի կանոնների 10.2.7 կետով սահմանված կարգով:
3. Քարտապանը կարող է իր կողմից չվավերացված վճարային քարտով կամ Priority Pass քարտով իրականացված գործարքների վերաբերյալ իր անհամաձայնությունը ներկայացնել (բողոքարկել) գործարքը ներառող 30-օրյա պարբերականությամբ տրամադրվող քաղվածքը ստանալու օրվանից ոչ ուշ, քան 15 օրացուցային օրվա ընթացքում: Նշված ժամկետում գործարքների դիմաց բողոքարկում չստանալու դեպքում Քարտային հաշվին հաշվանցված գործարքները համարվում են Քարտապանի կողմից ընդունված և այլևս բողոքարկման ենթակա չեն, բացառությամբ Վճարային քարտերի կանոնների 8.1.4 կետում նկարագրված դեպքի:
4. Քարտապանը իր քարտով կատարված գործարքի գծով բողոքարկման դիմումը կարող է ներկայացնել քաղվածքը ստանալու օրվանից ոչ ուշ քան 55 օրը, եթե դիմումին կից ներկայացնում է Վճարային քարտերի կանոններով սահմանված ժամկետում բողոքարկման դիմում ներկայացնելու անհնարինությունը հավաստող փաստաթղթեր:
5. Քարտապանի կողմից իր կողմից չվավերացված գործարքների վերաբերյալ դիմում-պահանջը ներկայացնելուց հետո Բանկը ոչ ուշ, քան դիմում-պահանջը ներկայացնելուց հետո 90-րդ օրը.
1) հատուցում է քարտապանի հաշվից դեբետագրված միջոցները, կամ
2) մերժում է քարտապանի կողմից ներկայացված դիմում-պահանջում նշված գումարը հատուցելու պահանջը, եթե.
ա. խախտվել են Վճարային քարտերի կանոններով սահմանված դիմում-պահանջի ներկայացման ժամկետները, կամ
բ. քարտապանի կողմից խախտվել են Վճարային քարտերի կանոններով կամ Պայմանագրով սահմանված դրույթները, որոնց հետևանքով են ի հայտ եկել քարտապանի կողմից չվավերացված գործարքները, կամ
գ. Բանկն ունի հիմնավոր փաստեր, որոնք հիմք են հանդիսանում բողոքարկված գործարքները, որպես քարտապանի կողմից կատարված զեղծարարություն/խարդախություն բնութագրելու համար:
6. Վճարային քարտերի կանոնների 8.1.5-րդ կետի 2 ենթակետի «բ» պարբերության իմաստով Պայմանագրով սահմանված դրույթների խախտում է համարվում.
7. Քարտապանի կողմից վճարային քարտով գործառնությունների կատարման անվտանգությունը ապահովելու նպատակով Կանոններով սահմանված անհրաժեշտ կամ ցանկալի միջոցառումները չիրականացնելը, այդ թվում, բայց ոչ միայն, Կանոնների 4.6.6-4.6.9 կետերով սահմանված գործողությունները չիրականացնելը կամ գործողություններից ձեռնպահ չմնալը:
8. Քարտապանի կողմից Վճարային քարտերի կանոնների 7 գլխի դրույթներից յուրաքանչյուրի խախտումը կամ ոչ պատշաճ իրականացումը,
9. Վճարային քարտերի կանոնների 7.4 ենթագլխի դրույթների համաձայն կամ Բանկին հասանելի դարձած տեղեկատվության վերլուծության հիման վրա կասեցված քարտի ապակասեցումը Քարտապանի նախաձեռնությամբ, որից հետո տեղի է ունեցել զեղծարարություն կամ խարդախություն,
10. Քարտապանի կողմից Պայմանագրի ցանկացած դրույթի խախտում կամ Կանոններով սահմանված դրույթներին ոչ համապատասխան գործողությունը կամ անգործությունը, որի հետևանքով ի հայտ է եկել քարտապանի կողմից չվավերացված գործարք:
11. Վճարային քարտերի կանոնների 8.1.5 կետի 2-րդ ենթակետի «գ» պարբերության իմաստով բողոքարկված գործարքները որպես քարտապանի կողմից կատարված զեղծարարություն/խարդախություն բնութագրելու համար հիմնավոր փաստ է համարվում, այդ թվում, բայց ոչ միայն, գործարքի կատարումը PIN կոդի գործածմամբ:
12. Բանկը որևէ պատասխանատվություն չի կրում վճարային քարտով կամ Priority Pass քարտով իրականացված, քարտապանի կողմից վավերացված գործարքների համար, սակայն նման գործարքները քարտապանի կողմից բողոքարկվելու դեպքում, ուսումնասիրում է համապատասխան դիմում-պահանջները՝ Վճարային քարտերի կանոնների, ՀՀ օրենսդրության և համապատասխան վճարահաշվարկային համակարգի կանոններին համապատասխան: Բանկը քարտապանի կողմից վավերացված գործարքներրի վերաբերյալ ներկայացված դիմում-պահանջները ուսումնասիրում է, եթե դրանք ներկայացվել են գործարքի հաշվանցումից հետո 50 օր ժամկետում: Նշված ժամկետում գործարքների գծով բողոքարկման դիմում չստանալու դեպքում Քարտային հաշվին հաշվանցված գործարքները համարվում են Քարտապանի կողմից ընդունված և այլևս բողոքարկման ենթակա չեն: Նման գործարքները բողոքարկվելու դեպքում Բանկը հաճախորդին պատասխանը ներկայացնում է առավելագույնը 50 օր ժամկետում, եթե վճարահաշվարկային համակարգի կանոններով այլ ժամկետներ նախատեսված չեն: Ընդ որում, գործարքը համարվում է վավերացված քարտապանի կողմից, այդ թվում, բայց ոչ միայն, այն դեպքերում, երբ այն կատարվել է PIN կոդի մուտքագրմամբ և (կամ) ինտերնետ միջավայրում պաշտպանված գործառնությունների համար սահմանված վճարային քարտի և (կամ) հաճախորդի իրական անձնական տվյալների) մուտքագրմամբ (որոնց վերաբերյալ տեղեկատվությունը պետք է հասանելի չլիներ այլ անձանց), 3D Secure համակարգի, բիոմետրիկ տվյալների, կամ բանկի մոբայլ հավելվածում իր կողմից ձևավորված անցակոդի կիրառմամբ:
13. Բանկը, քարտապանի կողմից գործարքի վերաբերյալ դիմում-պահանջ ստանալու դեպքում, նախաձեռնում է գումարների հետգանձման գործընթաց, բացառությամբ այն դեպքերի, երբ համաձայն համապատասխան վճարահաշվարկային համակարգի կանոնների բողոքարկվող գործարքի համար հետգանձման հնարավորություն նախատեսված չէ: Բանկի կողմից նախաձեռնված հետգանձման գործընթացի արդյունքում քարտապանի դիմում-պահանջը մերժվում է, եթե նախաձեռնված հետգանձման գործընթացը չի կարող լուծվել Բանկի օգտին, կամ քարտապանի կողմից դիմում-պահանջի ներկայացման ժամկետն այնպիսին է, որ Բանկը համապատասխան վճարահաշվարկային համակարգի կանոններով հետգանձման գործընթացի համար նախատեսված ժամկետներում հնարավորություն չունի իրականացնել այն, բացառությամբ այն դեպքերի, երբ քարտապանի կողմից բողոքարկվում է իր կողմից չվավերացված գործարք և բողոքը ենթակա է բավարարման Վճարային քարտերի կանոնների 8.1.5 կետին համապատասխան:
14. Այն դեպքում, երբ քարտապանի կողմից բողոքարկվող գործարքը սպասարկվել է այլ բանկի կողմից, և սպասարկող բանկը մերժում է հետգանձման դիմումը, Բանկը ուսումնասիրում է սպասարկող բանկի կողմից ներկայացված պատասխանը և տեղեկացնում է Հաճախորդին հետգանձման գործընթացի ավարտի մասին, կամ առաջարկում է դիմել Բանկ՝ բողոքարկման գործընթացի երկրորդ փուլը համապատասխան վճարահաշվարկային համակարգի կանոններին համաձայն նախաձեռնելու խնդրանքով:
15. Եթե քարտապանի հետգանձման գործընթաց ենթադրող դիմում-պահանջի շրջանակներում քարտապանի քարտային հաշին Բանկի կողմից փոխանցվել են գումարներ, սակայն հետագայում գործարքը սպասարկած բանկի կողմից կամ վճարահաշվարկային կանոններին համապատասխան հետգանձման դիմումը մերժվել է, սույնով Քարտապանը համաձայնություն է տալիս Բանկին՝ իր հաշվին փոխանցված գումարները առանց իր լրացուցիչ համաձայնության գանձելու վերաբերյալ:
16. Քարտապանի կողմից ներկայացված դիմում-պահանջների ուսումնասիրության ընթացքում Բանկը կարող է քարտապանից պահանջել լրացուցիչ հիմնավորող փաստաթղթեր:
Քարտի վերաթողարկման կարգը, պայմաններն ու ժամկետները
keyboard_arrow_down
1. Վճարային քարտի կորստի կամ հափշտակման դեպքում քարտապանը կարող է դիմել Բանկին` փոփոխված վավերապայմաններով վճարային քարտ վերաթողարկելու նպատակով:
2. Վճարային քարտի վերաթողարկումն իրականացվում է Բանկի սակագներին համապատասխան` դիմումը ստանալուց հետո 4 աշխատանքային օրվա ընթացքում:
3. Բանկը վճարային քարտի վավերականության ժամկետի ավարտից 2 ամիս առաջ կարող է ինքնաշխատ կերպով իրականացնել վճարային քարտի ժամկետային վերաթողարկում: Ընդ որում վերաթողարկման ենթակա են վերաթողարկման պահին գործող կարգավիճակ ունեցող և չկասեցված վճարային քարտերը: Եթե Վճարային քարտի ժամկետային վերաթողարկման պահին տվյալ քարտատեսակը Բանկի կողմից այլևս չի թողարկվում, Բանկը քարտապանի համար կարող է թողարկել այլ վճարային քարտ, որը հնարավորինս համարժեք է վերաթողարկման ենթակա վճարային քարտի տեսակին, պայմաններին: Ընդ որում, ժամկետային վերաթողարկման դեպքում չանհատականացված քարտերը վերաթողարկվում են՝ որպես նույն քարտատեսակի ստանդարտ սակագնային փաթեթով դեբետային քարտեր, և սպասարկվում այդ փաթեթի համար նախատեսված պայմաններով:
4. Բանկը վճարային քարտի վավերականության ժամկետի ավարտի դեպքում ինքնաշխատ կերպով իրականացնում է վճարային քարտի ժամկետային վերաթողարկում, եթե տվյալ քարտատեսակի տրամադրման և սպասարկման սակագներով և պայմաններով այլ բան նախատեսված չէ, հետևյալ դեպքերում․
Դեբետային (հաշվարկային) քարտերի համար՝
◾ Վճարային քարտի վերաթողարկման որոշումը կայացնելու ամսվան նախորդող 3 ամիսների ընթացքում առկա է քարտային հաշվով կատարված դեբետային կամ կրեդիտային (բացառությամբ տոկոսների վճարման գործարքի) առնվազն մեկ գործարք և (կամ),
◾ եթե քարտի գործողության ժամկետի ավարտին նրան կցված է գործող վարկային գիծ:
Վարկային քարտերի համար`
◾ Եթե Վարկային քարտին կցված գործող վարկային գծի ժամկետը գերազանցում է վճարային քարտի ժամկետի ավարտը:
5. Եթե քարտապանը չի ցանկանում վերաթողարկել իր վճարային քարտը, նա պարտավոր է վճարային քարտի վավերականության ժամկետի ավարտից առնվազն երեք ամիս առաջ տեղեկացնել այդ մասին Բանկին: 3-րդ կետով սահմանված դեպքում վճարային քարտի թողարկման կամ թողարկված քարտով սպասարկվելու մասին քարտապանի կողմից Բանկին Վճարային քարտերի կանոններում նշված կարգով անհամաձայնություն չհայտնելու դեպքում Բանկի և Քարտապանի միջև հարաբերությունները շարունակվում են Պայմանագրով և Վճարային քարտերի կանոններով սահմանված կարգով:
6. Եթե քարտապանը վճարային քարտի վերաթողարկում իրականացնելուց հետո 3 ամսվա ընթացքում չի դիմում Բանկին վճարային քարտը ստանալու համար, Բանկը կարող է ոչնչացնել վերաթողարկված քարտը:
Քարտով գործառնությունների իրականացման ընթացքում առաջացող ռիսկերի կառավարման և զսպման արդյունավետ մեխանիզմները
keyboard_arrow_down
1. Քարտի դիմերեսի և դարձերեսի դաշտերը (մասնավորապես քարտի մագնիսական ժապավենը) պարունակում են վճարային քարտի վերաբերյալ տվյալներ, որոնք այլ անձանց հասանելի լինելու դեպքում կարող են պատճառ հանդիսանալ քարտով զեղծարարություն կատարելու համար:
2. Եթե քարտապանի մոտ առկա է համոզմունք կամ կասկած վճարային քարտի վավերապայմանների՝ այլ անձանց հասանելի լինելու և չարտոնված օգտագործման վտանգի հետ կապված, ապա անհրաժեշտ է հնարավորինս սեղմ ժամկետներում դիմել Բանկին:
3. Քարտապանը պետք է պահպանի PIN կոդի գաղտնիությունը և այն հասանելի չդարձնի այլ անձանց՝ քարտային միջոցների անվտանգության նկատառումներից ելնելով:
4. Վճարային քարտի PIN կոդը չի օգտագործվում ինտերնետում կամ ոչ երես առ երես գործառնություններ իրականացնելու համար, ինչպես նաև փոստային կամ հեռախոսային պատվերի գործառնությունների դեպքում: Ուստի քարտապանը չպետք է իր PIN կոդը չպետք է տրամադրի որևէ պատրվակով, մուտքագրի ինտերնետում կամ ոչ երես առ երես այլ գործառնություններ կատարելու ժամանակ:
5. Եթե քարտապանի մոտ առկա է համոզմունք կամ կասկած PIN կոդի՝ այլ անձանց հասանելի դառնալու հետ կապված, ապա անհրաժեշտ է հնարավորինս սեղմ ժամկետներում փոխել PIN կոդը՝ օգտվելով բոլոր այն ՖԳԻԱՍ-ներից, որոնք սպասարկում են այդ ծառայությունը:
6. SMS հավաստագրման ծառայությունը թույլ է տալիս քարտապանին նշել որևէ գումար և այդ գումարին հավասար կամ դրանից բարձր գումարի ցանկացած հավաստագրման դեպքում ստանալ SMS հաղորդագրություն: Հաշվի առնելով այն, որ վճարային քարտերով գործառնությունների մեծամասնությունն իրականացվում են հավաստագրում ստանալուց հետո, քարտապանը հնարավորություն ունի արդյունավետ կերպով և ժամանակի իրական ռեժիմում տեղեկանալ ցանկացած հավաստագրվող գործարքի իրականացման մասին: Ծառայությունը հատկապես կարևոր է վճարային քարտի զեղծարար օգտագործումը կանխելու համար:
7. Ինտերնետ միջավայրում վճարային քարտը օգտագործելիս՝ քարտապանը պետք է ուշադրություն դարձնի զննարկիչի (browser) համապատասխան դաշտում «փականի նշանի» (https) առկայության վրա, Secure Sockets Layer (SSL) կամ Secure Web Site գրառումները վկայում են այն մասին, որ միայն քարտապանը և առևտրի կետը հնարավորություն ունեն դիտելու վճարման մանրամասնությունները:
Զեղծարարության դեմ կանխարգելիչ միջոցառումների իրականացում
1. Բանկը վճարային քարտով զեղծարարության հնարավոր դեպքերը կանխարգելու նպատակով կարող է իրականացնել վճարային քարտերի կամ գործարքների ինքնաշխատ կասեցում, եթե կատարված գործարքները, համաձայն Բանկի կողմից սահմանված ներքին չափանիշների, համարվում են միջին կամ բարձր ռիսկայնության:
2. Բանկի կողմից վճարային քարտերի կամ գործարքների կասեցման համար հիմք հանդիսացած գործարքի կատարումը Քարտապանի կողմից կատարվելու փաստը վերջինիս կողմից հավաստվելու դեպքում, Բանկը քարտապանի նախաձեռնությամբ կարող է իրականացնել վճարային քարտի և գործարքների ապակասեցում:
Քարտային հաշվի փակման դեպքում քարտը վերադարձնելու կարգն ու պայմանները
keyboard_arrow_down
1. Վճարային քարտը հանդիսանում է Բանկի սեփականությունը և ենթակա է ոչնչացման` դրա վավերականության ժամկետի ավարտի դեպքում, դրանից հրաժարվելու դեպքում կամ Բանկի պահանջով: Ընդ որում, վճարային քարտի ոչնչացումն իրականացվում է հաճախորդի կողմից՝ քարտի մագնիսական ժապավենը և (կամ) չիպը կտրատելու (դակելու) միջոցով:
2. Քարտապանը լրիվ ծավալով պատասխանատվություն է կրում վավերականության ժամկետը լրացած և իր կողմից չոչնչացված վճարային քարտերի կամ դրանց վավերապայմանների զեղծարար օգտագործումից բխող ֆինանսական կորուստների համար` անկախ մեղքի բացակայությունից։
Քարտային գործառնությունների անվտանգություն
keyboard_arrow_down
Վճարային քարտի պահպանումը
1. Քարտապանը վճարային քարտը պետք է պահպանի այլ անձանց համար անհասանելի վայրում և լինի ուշադիր քարտի նկատմամբ` հատկապես հասարակական վայրերում:
2. Քարտապանը չպետք է բարձրացնի իր հավաստագրման սահմանաչափերն առանց խիստ անհրաժեշտության, քանի որ հավաստագրման սահմանաչափը նվազեցնում է այլ անձանց կողմից քարտի չարտոնված օգտագործման դեպքում առաջացող ռիսկերը:
3. Քարտապանը վճարումներ կամ կանխիկացում իրականացնելիս՝ չպետք է իր քարտը տրամադրի որևէ այլ անձանց, բացի համապատասխան աշխատակցից (գանձապահից):
4. Քարտապանը չպետք է վստահի իր վճարային քարտը ցանկացած այլ անձի: Անհրաժեշտության դեպքում նրանց համար պետք է պատվիրել նույն հաշվին կցված կից քարտեր:
Վճարային քարտի օգտագործումը ՖԳԻԱՍ-ի միջոցով
1. ՖԳԻԱՍ-ով կամ այլ ինքնասպասարկման սարքի միջոցով գործարք կատարելիս՝ քարտապանը պետք է ուշադրություն դարձնի սարքի արտաքին տեսքին, քարտի ընդունման անցքին և ստեղնաշարին: Օտարածին սարքերի, տեսահսկման համակարգերի, լարերի առկայության կամ այլ կասկածների դեպքում Բանկը խորհուրդ է տալիս օգտվել այլ ՖԳԻԱՍ-ից կամ ինքնասպասարկման սարքից:
2. Քարտապանը չպետք է օգտվի ՖԳԻԱՍ-ից և այլ ինքնասպասարկման սարքերից մութ և անմարդաշատ վայրերում, եթե մոտակայքում նկատվում են կասկածելի անձինք:
3. ՖԳԻԱՍ-ներից և այլ ինքնասպասարկման սարքերից օգտվելիս՝ PIN ծածկագրի մուտքագրումը քարտապանը պետք է իրականացնի այնպես, որ այն տեսանելի չլինի այլ անձանց: Քարտապանը չպետք է ընդունի քարտից գումար կանխիկացնելու համար օգնություն ցուցաբերելու վերաբերյալ կողմնակի անձանց առաջարկները:
Վճարային քարտի օգտագործումը առևտրի կետերում
1. Քարտապանը առևտրի և սպասարկման կետում գործարք կատարելիս՝, պարտավոր է ստուգել գործարքի գումարը և անդորրագրի մյուս վավերապայմանները:
2. Քարտապանը առևտրի և սպասարկման կետերում վճարումներ կատարելիս՝ պարտավոր է վճարային քարտը հնարավորինս պահել իր ուշադրության կենտրոնում: Ցանկալի է, որ գործարքներն իրականացվեն քարտապանի ներկայությամբ:
3. Քարտապանը չպետք է ներկայացնի վճարային քարտը վճարման համար կասկածելի վայրերում կամ ինտերնետային կայքերում (օրինակ` գիշերային ակումբներում, էրոտիկ և այլ կասկածելի ինտերնետային կայքէջերում): Մասնավորապես, սույն կետը կարևորվում է Արևելյան Եվրոպայի և Ասիայի երկրներ ճանապարհորդելիս:
4. Առևտրի և սպասարկման կետերում PIN ծածկագիրը մուտքագրելիս` քարտապանը պարտավոր է ուշադրություն դարձնել այն հանգամանքին, որ մուտքագրումը իրականացվի POS տերմինալի կամ դրան կցված ստեղնաշարի վրա: Արգելվում է PIN ծածկագրի մուտքագրումը որևէ այլ կերպով:
5. Եթե առևտրի և սպասարկման կետում քարտապանն իրականացրել է գործարք և տեղում պարզել սխալ գործարք կատարելու փաստը և քարտապանին խոստանում են, որ այն կուղղվի հետագայում, ապա քարտապանը կարող է`
◾ Հրաժարվել ստորագրել անդորրագիրը,
◾ Եթե անդորրագիրը ստորագրված է, պահանջել որ կատարվի հետադարձ գործարք և ստորագրել ճիշտ գործարքի նոր անդորրագիրը:
◾ Համաձայնության չգալու դեպքում զանգահարել Բանկ կամ դիմել Բանկի մասնաճյուղ հնարավորինս սեղմ ժամկետում:
Բանկը պարտավոր է քարտապանի հետ պայմանագիր կնքելիս վերջինիս տրամադրել քարտի անվտանգ օգտագործման նվազագույն պայմանները։
Քարտային հաշիվը փակելուց հետո հաշվին առկա միջոցների վերադարձման կարգն ու պայմանները
keyboard_arrow_down
1. Բանկը վճարային քարտի և քարտային հաշվի փակման դիմումը ստանալուց հետո ստուգում է քարտային հաշվի նկատմամբ արգելանքների կամ քարտային հաշվի փակումը սահմանափակող այլ գործոնների առկայությունը և վերջիններիս բացակայության դեպքում 7 աշխատանքային օրվա ընթացքում կասեցնում է վճարային քարտի գործողությունը, կատարում է վճարային քարտով կամ դրա վավերապայմաններով իրականացված գործարքների ձևակերպում և գանձում է սակագներով սահմանված Վճարային քարտերի կանոնների 5.8 կետով սահմանված կարգով բոլոր գանձման ենթակա միջնորդավճարները, տոկոսները, տույժերը, տուգանքները և վերադարձնում է Քարտապանին քարտային հաշվին առկա դրամական միջոցները և հաշվարկված տոկոսները կամ փոխանցում է նշված դրամական միջոցները համաձայն Քարտապանի դիմումի և փակում է վճարային քարտը և քարտային հաշիվը, Պայմանագիրը համարվում է լուծված: Ընդ որում, քարտային հաշվի գծով պարտավորությունների առկայության դեպքում քարտային հաշիվը փակվում է, սակայն Պայմանագիրը շարունակում է գործել միայն պարտավորությունների (ներառյալ Վճարային քարտերի կանոնների 12.1.77 կետով սահմանված հիմքով ձևավորված) և դրանց վրա հաշվեգրվող տուգանային տոկոսների մասով` մինչև դրանց ամբողջական մարումը, եթե այլ բան նախատեսված չէ հաճախորդի` Բանկին ներկայացրած քարտի և քարտային հաշվի փակման դիմումով:
2. Քարտային հաշվին առկա հասանելի մնացորդը Քարտապանի համապատասխան հրահանգով կարող է փոխանցվել Քարտապանի կամ երրորդ անձի Բանկում սպասարկվող հաշվի: Ընդ որում՝ հասանելի մնացորդը քարտային հաշվի արժույթից տարբերվող այլ արժույթով հաշվին փոխանցման դեպքում փոխարկումն իրականացվում է տվյալ պահին Բանկում գործող համապատասխան փոխարժեքով: Քարտային հաշվին առկա հասանելի մնացորդը Քարտապանի համապատասխան հրահանգով կարող է Բանկի եկամուտ ճանաչվել: Հաշվին առկա հասանելի մնացորդը Բանկի եկամուտ ճանաչելու կամ այլ հաշվի փոխանցելու Հաճախորդի հրահանգի բացակայության դեպքում քարտային հաշիվը չի փակվում, Պայմանագիրը չի լուծվում:
Վճարային քարտերով գործառնությունների ժամանակ կիրառվող տեղեկատվական անվտանգության համակարգեր
keyboard_arrow_down
Բանկի կողմից թողարկվող բոլոր միջազգային վճարահաշվարկային համակարգերի (Visa International, MasterCard Worldwide) վճարային քարտերի միջոցով հնարավոր է կատարել գործարքներ վիրտուալ միջավայրում 3D Secure անվտանգության համակարգի կիրառմամբ, եթե դրանց քարտապաններն ունեն Բանկում գրանցված բջջային հեռախոսահամար, որի համար պրոցեսինգային կենտրոնում ակտիվացված է SMS-հաղորդագրություններ ուղարկելու ծառայությունը և տվյալ քարտատեսակը սպասարկվում է համապատասխան կայքի կողմից։
Քարտի տրամադրում և ակտիվացում
keyboard_arrow_down
1. Վճարային քարտի տրամադրումը իրականացվում է վճարային քարտը և PIN ծրարը, (եթե տվյալ քարտատեսակի համար նախատեսված է PIN կոդը ծրարով տրամադրելու եղանակ), հաճախորդի կողմից ներկայացված հասցեով սուրհանդակային (փոստային) ծառայության միջոցով ուղարկման եղանակով բացառությամբ սույն կանոնների 4-րդ կետով սահմանված դեպքերում կարող է տրամադրվել Բանկի գլխամասային գրասենյակից: Հաճախորդն ընդունում է, որ հեռահար եղանակով Վճարային քարտի, կից քարտի թողարկման, վերաթողարկման դեպքում Վճարային քարտը Հաճախորդի կողմից տրված լիազորագրի հիման վրա այլ անձի հանձնվել չի կարող:
2. Դեբետային (հաշվարկային) քարտն ուղարկվում է հաճախորդի նշած հասցեով Առաջարկ-դիմումը և անհրաժեշտ փաստաթղթերը ներկայացնելուց հետո առավելագույնը 9 աշխատանքային օրվա ընթացքում` Առաջարկ-դիմումի ակցեպտավորման դեպքում: Ընդ որում, եթե հաճախորդը սահմանել է վճարային քարտի թողարկման լրացուցիչ նախապայման (օրինակ՝ վարկային գծի տրամադրում), ապա սույն կետում նշված ժամկետը երկարաձգվում է համապատասխան որոշման կայացման համար սահմանված ժամկետի չափով: Հեռահար եղանակով Վճարային քարտի, կից քարտի թողարկման/վերաթողարկման դեպքում Վճարային քարտն Հաճախորդին ուղարկվում է Բանկի սակագներով սահմանված վճարներն իրականացնելուց հետո:
3. Վարկային քարտն ուղարկվում է հաճախորդի նշած հասցեով Առաջարկ-դիմումը և անհրաժեշտ փաստաթղթերը ներկայացնելուց հետո առավելագույնը 12 աշխատանքային օրվա ընթացքում` Առաջարկ-դիմումի ակցեպտավորման դեպքում:
4. Սուրհանդակային (փոստային) ծառայությունը հաճախորդի բացակայության կամ անհասանելիության դեպքում վճարային քարտը և (կամ) PIN ծրարը վերադարձնում է Բանկին: Տվյալ դեպքում հաճախորդը պետք է կապվի Բանկի հետ (Հաճախորդների սպասարկման կենտրոն) և տեղեկացնի վճարային քարտի կամ PIN ծրարի ստացման նախընտրելի տարբերակի վերաբերյալ, ընդ որում, հաճախորդը կարող է Բանկի սակագների համաձայն պատվիրել վճարային քարտի կամ PIN ծրարի կրկնակի առաքում կամ ստանալ դրանք Բանկի գլխամասից:
5. Կրկնակի առաքումը իրականացվում է հաճախորդի կողմից Բանկ զանգահարելուց հետո 9 աշխատանքային օրվա ընթացքում, ընդ որում, կրկնակի առաքման դեպքում հաճախորդի բացակայության դեպքում հետ վերադարձված վճարային քարտը և (կամ) PIN ծրարը ոչնչացվում է Բանկի կողմից:
6. Բանկի գլխամասում վճարային քարտը կամ PIN ծրարը հասանելի է ստացման համար հաճախորդի զանգից հետո հաջորդող 5 աշխատանքային օրվանից սկսած 3 ամսվա ընթացքում, որից հետո վճարային քարտը և PIN ծրարը ոչնչացվում են:
7. Բանկը կարող է իրականացնել նաև վճարային քարտի կամ PIN ծրարի ուղարկում Բանկի մասնաճյուղեր` տեղեկացնելով հաճախորդին: Նման դեպքերում Բանկը քարտերը և PIN ծրարները (եթե տվյալ քարտատեսակի համար նախատեսված է PIN կոդը ծրարով տրամադրելու եղանակ) ուղարկում է մասնաճյուղեր սույն կանոնների 2-րդ և 3-րդ կետերով ուղարկման համար սահմանված ժամկետներում:
8. Անվտանգության նկատառումներից ելնելով՝ վճարային քարտերը տրամադրվում են հաճախորդին կասեցված վիճակում, սակայն չանհատականացված քարտերը որոշ դեպքերում կարող են տրամադվել նաև ակտիվ կարգավիճակով:
9. Վճարային քարտը ակտիվանում է հաճախորդի կողմից վճարային քարտը պարունակող ուղարկման ծրարը ստանալուց հետո` ծրարում նշված ակտիվացման համար անհրաժեշտ բոլոր քայլերը կատարելուց հետո առավելագույնը մեկ աշխատանքային օրվա ընթացքում: