Այլ դրույթներ

¹Կիրառելի չէ վարկային գծերի և մինչև 5 մլն ՀՀ դրամը ներառյալ վարկերի դեպքում:

Գործող գլխավոր պայմանագրի առկայության դեպքում SME EXPRESS վարկերը/վարկային գծերը ներառվել տվյալ Գլխավոր պայմանագրի ներքո,  և դիտարկվող հայտի տարեկան տոկոսադրույքը սահմանել  գործող տոկոսադրույքից -0.5% տոկոսային կետ: Գլխավոր պայմանագրի ներքո ներառելու դեպքում հաճախոդի՝ գրավով ապահովված հետագա ֆինանսավորումների ժամանակ տվյալ  SME EXPRESS վարկերը/վարկային գծերը վարկ/գրավ հաշվարկում չեն մասնակցելու:

Հավելված 1.1

Տարեկան հասույթի հիման վրա տրամադրվող վարկի/վարկային գծի սահմանաչափ

Վարկի/Վարկային գծի առավելագույն սահմանաչափ

        150,000,001-1,200,000,000

10%՝ ոչ ավել քանի 30,000,000 ՀՀ դրամ

10,000,001-150,000,000

15%

Ավտոմեքենա ներմուծող/արտահանող   և ավիատոմսերի վաճառք իրականացնող հաճախորդների դեպքում

10 մլն ՀՀ դրամ անկախ տարեկան զուտ կրեդիտային շրջանառության չափից

Մեկ տարուց պակաս գործունեություն իրականացրած ընկերությունների դեպքում, շարժի մեծությունը ընդունվում է փաստացի գործունեության ժամանակահատվածի համապատասխան մեծությունը։

Հավելված 1.2

Վարկունակություն և վարկարժանություն

Վարկառուի, իրավաբանական անձի տնօրենի վարկային պատմության նկատմամբ պահանջ

Բանկում, ՀՀ այլ բանկերում և վարկային կազմակերպություններում վարկի և (կամ) դրա նկատմամբ հաշվարկված տոկոսագումարների մարումների գծով վերջին 12 ամիսների ընթացքում  ոչ ավել, քան 36 (երեսունվեց) օր ուշացում, ինչպես նաև վերջին 3 ամիսների ընթացքում ոչ ավել, քան 10 (տաս) օր ուշացում, և/կամ վարկային պատմության բացակայություն,  գործող դասակարգման և գործող ժամկետանց պարտավորության բացակայություն, ինչպես նաև վերջին 36 ամիսների ընթացքում  ոչ ստանդարտ կամ ավելի բարձր դասով դասակարգված վարկային պարտավորության բացակայություն։

Հարկային պարտավորությունների և ԴԱՀԿ առկայության նկատմամբ պահանջներ

Վարկային հայտերը ենթակա են մերժման՝ 

Վարկառուի, հիմնադրի, իրավաբանական անձանց դեպքում 50% և ավել բաժնեմաս ունեցող սեփականատիրոջ անվամբ  1 մլն ՀՀ դրամ և ավել ՀԿԱԾ արգելանքի առկայության դեպքում:                                                                                                                                                                                       

Վարկառուի հարկային ժամկետանց պարտավորության առկայության դեպքում վարկային հայտերը ենթակա են մերժման, բացառությամբ այն դեպքերի երբ պարտքը չի  գերազանցում 120000 ՀՀ դրամը, որը գոյացել է շահութահարկի և/կամ սոցիալական վճարի գծով, կամ այդ գումարը գերազանցելու դեպքում գոյացել է վերջին հարկային հաշվետվությունից, ոչ ավել քան 1 ամիս ժամկետում և  չի գերազանցում վարկառուի տարեկան հասույթի 5%-ը, միևնույն ժամանակ 1 մլն ՀՀ դրամը:

Հավելված 1.3                                                 Սահմանափակումներ

Վարկառուի գործունեությանը ներկայացվող պահանջներ և սահմանափակումներ

1. Բիզնես գործունեության վայր՝ ՀՀ տարածք:

2. Գործունեության ծավալման նվազագույն ժամկետ՝ 9 ամիս:

Հաճախորդի Վարկային պարտավորությունների նկատմամբ պահանջներ

1.     Արդշինբանկում գործող առանց գրավի ապահովության վարկի/վարկային գծի դեպքում Բիզնես վարկի/վարկային գծի հասանելի սահմանաչափից նվազեցվում է գործող պարտավորության մնացորդի չափով, ընդ որում եթե գործող պարտավորությունը վարկային գիծ և/կամ օվերդրաֆտ է, ապա հաշվարկում այն ներառվում է գործող սահմանաչափով:

2.     Ֆինանսավորումը հնարավոր չէ կատարել, եթե հայտատուն ունի գործող Nazira ռեսուրսով վարկ/վարկային գիծ

Հավելված  1.4

Երաշխավորի նկատմամբ պահանջ

Երաշխավոր

Մինչև 20 մլն ՀՀ դրամ կամ համարժեք արտարժույթով հասանելի գումարով վարկային հայտերի դեպքում՝

 1.ԱՁ դեպքում Երաշխավոր չի պահանջվում, եթե ԱՁ-ին սեփականության իրավունքով պատկանում է անշարժ գույք:

2.Եթե ԱՁ-ին սեփականության իրավունքով անշարժ գույք չի պատկանում, պահանջվում է ՀՀ քաղաքացի երաշխավոր, ում սեփականության իրավունքով պատկանում է անշարժ գույք:

3.ՍՊԸ դեպքում Երաշխավոր չի պահանջվում, եթե ՍՊԸ-ին սեփականության իրավունքով պատկանում է անշարժ գույք: Եթե ՍՊԸ-ին սեփականության իրավունքով անշարժ գույք չի պատկանում, պահանջվում է  ՀՀ քաղաքացի երաշխավոր` տնօրենը կամ այլ ֆիզ անձ, ում սեփականության իրավունքով անշարժ գույք է պատկանում:                          

20 մլն ՀՀ դրամ կամ համարժեք արտարժույթով և ավել վարկային հայտերի դեպքում պահանջվում է՝

1.Իրավաբանական Անձանց դեպքում՝ բիզնեսի հիմնադրի և իրական շահառուի (իրավաբանական անձանց դեպքում 50%  և ավել բաժնեմաս ունեցող սեփականատեր), ինչպես նաև նրանց կանանց/ամուսինների  անձնական երաշխավորություն:

2.Անհատ Ձեռնարկատերերի դեպքում՝ կնոջ/ամուսնու երաշխավորություն:

Եթե  Իրավաբանական անձի,  բիզնեսի հիմնադրի կամ իրական շահառուի (իրավաբանական անձանց դեպքում 50% և ավել բաժնեմաս ունեցող սեփականատիրոջ),  Անհատ ձեռնարկատիրոջ անվամբ առկա չէ սեփականության իրավունքով պատկանող անշարժ գույք և/կամ տրանսպորտային միջոց մինչև 7  տարեկան, ապա  պահանջվում է ՀՀ քաղաքացի երաշխավոր, ում անունով սեփականության իրավունքով առկա է  անշարժ կամ տրանսպորտային միջոց մինչև 7  տարեկան:             

Եթե Վարկային հայտի դիտարկման պահին Վարկառուի, իրավաբանական անձանց դեպքում 50%  և  ավել բաժնեմաս ունեցող սեփականատիրոջ տարիքի և տրամադրվող վարկի ժամկետի հանրագումարը գերազանցում է 63 տարին, պահանջվում է ֆիզիկական անձ ՀՀ քաղաքացի երաշխավոր,  ում տարիքը վարկի սպասարկման ընթացքում չի գերազանցի 63 տարին, իսկ վարկային պատմությունը կբավարարի վարկառուի վարկային պատմությանը ներկայացվող պահանջին:

Երաշխավոր/ների վարկային պատմության նկատմամբ պահանջներ

Գործող ժամկետանց պարտավորության բացակայություն։

Վերջին 1 տարվա ընթացքում ոչ ստանդարտ կամ ավելի բարձր դասով դասակարգված վարկային պարտավորության բացակայություն։

Հավելված  1.5

«SME EXPRESS ONLINE» բիզնես Վարկ և  Վարկային գծերի տրամադրման համար անհրաժեշտ փաստաթղթերի ցանկ

Հայտի ընդունման, ուսումնասիրության/վերլուծության համար անհրաժեշտ փաստաթղթեր

1. Պետ. ռեգիստրի գրանցման վկայական/տեղեկանք (1 ամիս վաղեմությամբ), կանոնադրություն (իրավաբանական անձի), բաժնետիրական ընկերությունների դեպքում նաև արժեթղթերի սեփականատերերի (անվատանտերերի) ցուցակ՝ տեղեկանք դեպոզիտարիայից (1 ամիս վաղեմությամբ),

Բնօրինակ (չի պահանջվում, եթե հնարավոր է ստանալ ընդհանուր հասանելի տեղեկատվական աղբյուրներից)

2. ԱՁ-ի, սեփականատերերի/բաժնետերերի, վերջիններիս ամուսնու (առկայության դեպքում) անձը հաստատող փաստաթուղթ, ամուսնության վկայական, (վարկառուի ամուսնու մահվան դեպքում` ամուսնության և մահվան վկայականները, ամուսնալուծության դեպքում` ամուսնալուծության վկայականը) իրավաբանական անձանց դեպքում՝ 20% և ավել մասնակցություն ունեցող փայատերերի (բաժնետերերի, մասնակիցների) անձը հաստատող փաստաթղթեր,

Բնօրինակ

3. Երաշխավոր(ներ)ի անձը հաստատող փաստաթուղթ

Բնօրինակ  (Բանկի տիպային ձև)

4.Ժողովի կամ մասնակցի ժողովի որոշում (Չի պահանջվում, եթե Իրավաբանական անձի՝ ՍՊԸ-ի, տնօրենը և միակ մասնակիցը նույն անձն է)

Բնօրինակ  (Բանկի տիպային ձև)

Այլ

Այլ փաստաթղթեր (անհրաժեշտության դեպքում)