Հունիսի 1-ին Հայաստանի զարգացման նախաձեռնություններ (IDeA) հիմնադրամը և Դիլիջանի զարգացման հիմնադրամն իրենց աջակցությունն ու մասնակցությունը բերեցին Դիլիջանում երեխաների միջազգային օրվան նվիրված միջոցառումների իրականացմանը։ Նույն օրը UWC Հայաստան ազգային կոմիտեի նախաձեռնությամբ UWC ցանցում սովորող հայ երեխաները հանդիպեցին UWC Դիլիջանի քոլեջի տնօրինության և հովանավորների հետ։


Որպես դոնոր կազմակերպության ղեկավար միջոցառումների շարքին մասնակցեց նաև «Արդշինինվեստբանկ» ՓԲԸ վարչության նախագահ Մհեր Գրիգորյանը, ով կարևորեց Հայաստանում և Արցախում երկարաժամկետ ծրագրեր իրականացնելու նպատակով Ռուբեն Վարդանյանի և Վերոնիկա Զոնաբենդի կողմից ստեղծված IDeA բարեգործական հիմնադրամի աշխատանքի մեկնարկը և UWC Դիլիջանի քոլեջի ստեղծումը: