Արդշինբանկը Հայաստանի առաջատար բանկն է տարբեր ցուցանիշներով: Բանկը մատուցում է բազմաբնույթ ունիվերսալ բանկային ծառայություններ՝ տրամադրելով լուծումներ մանրածախ, կորպորատիվ, ներդրումային, ինչպես նաև փրայվիթ բանկինգի ու ակտիվների կառավարման ոլորտներում։

2024 թվականի տարեվերջի տվյալներով Արդշինբանկն ունի 5,9 մլրդ դոլարի ակտիվներ։ Մենք պահպանում ենք կապիտալի, ֆինանսավորման և իրացվելիության ամուր դիրքեր՝ գերազանցելով կարգավորող մարմինների պահանջները։ Մենք միակ բանկն ենք Հայաստանում, որն ունի աշխարհի երեք առաջատար վարկանիշային ընկերությունների կողմից շնորհված վարկանիշեր, միևնույն ժամանակ Բանկի վարկանիշը հավասար է երկրի վարկանիշային մակարդակին։

Մեր տեսլականն է լինել ֆինանսական շուկայում առաջատար և արդիական բանկ՝ բիզնեսների և անհատների հետ կառուցելով կայուն երկարաժամկետ հարաբերություններ բարձրորակ և համալիր ծառայությունների մատուցման միջոցով:

Մեր առաքելությունն է նպաստել ազգային տնտեսության զարգացմանը, հանդիսանալ առաջին ընտրության բանկ և գործատու։ Մենք առաջնորդվում ենք վեց հիմնական արժեքներով՝ որակ, վստահելիություն, հասանելիություն, արդիականություն, արդյունավետություն և պատասխանատվություն։

Արդշինբանկը սպասարկում է ավելի քան 410,000 հաճախորդի՝ 2,100-ից ավելի աշխատակիցների աջակցությամբ։ Բանկի՝ 74 մասնաճյուղերից և Երևանում գտնվող գլխամասային գրասենյակից բաղկացած ցանցն ամենամեծն է երկրում և ընդհանուր ակտիվների ցուցանիշով ապահովում է շուկայի 20․5% մասնաբաժինը:

Մեր մասնաճյուղերի աշխատանքը լրացվում է բջջային և առցանց բանկային հզոր համակարգով, որն ապահովում է ֆինանսական ծառայությունների հասանելիությունը: Տեխնոլոգիաներում, նորարարական լուծումներում և հաճախորդների գերազանց սպասարկումն ապահովելու գործում  ներդրումներ կատարելու մեր հանձնառությունը Արդշինբանկը դարձնում է վստահելի վայր՝ մեր աշխատակիցների կարիերան կառուցելու համար։

Արդշինբանկը հիմնադրվել է 2003 թվականի փետրվարի 25-ին և նույն թվականին ստացել է բանկային գործունեության իրականացման լիցենզիա թիվ 83 (առ 27.02.2003)։ Բանկը, ընդլայնելով իր գործունեությունը, 2003 թվականին ձեռք է բերել «Արդշինբանկ» ԲԲԸ-ի և «Հայագրոբանկ» ՓԲԸ-ի ակտիվների, պարտավորությունների և ենթակառուցվածքների զգալի մասը։ Հիմնադրվելով որպես «Արդշինինվեստբանկ» ՓԲԸ՝ Բանկը 2014 թվականի նոյեմբերին վերանվանվել է «Արդշինբանկ» ՓԲԸ։

2017 թվականի հունվարի 13-ին «Առէկսիմբանկ-Գազպրոմբանկի խումբ» ՓԲԸ-ն միացել է «Արդշինբանկ» ՓԲԸ-ին, որի արդյունքում «Առէկսիմբանկ-Գազպրոմբանկի խումբ» ՓԲԸ-ի գործունեությունը դադարել է, իսկ «Արդշինբանկ» ՓԲԸ-ն պահպանել է իր գործունեությունը՝ նաև որպես «Առէկսիմբանկ-Գազպրոմբանկի խումբ» ՓԲԸ–ի իրավահաջորդ:

2025 թվականի ապրիլի 21-ից «Արդշինբանկ» ՓԲԸ-ին է միացել «Արդշինինվեստբանկ» ՓԲԸ-ն (մինչև 29.11.2024թ. անվանափոխությունը՝ «Էյչ-Էս-Բի-Սի Բանկ Հայաստան» ՓԲԸ), որի արդյունքում ուժը կորցրած է ճանաչվել «Արդշինինվեստբանկ» ՓԲԸ-ի բանկային գործունեության թիվ 67 լիցենզիան, «Արդշինինվեստբանկ» ՓԲԸ-ի գործունեությունը դադարել է, իսկ «Արդշինբանկ» ՓԲԸ-ն պահպանել է իր գործունեությունը՝ նաև որպես «Արդշինինվեստբանկ» ՓԲԸ–ի իրավահաջորդը:

Վերջին տասնամյակի ընթացքում Արդշինբանկը ցուցաբերել է կայուն աճ և գործառնական կայունություն: Բանկը հասել է բարձր շահութաբերության և եկամտաբերության՝ վերջին հինգ տարիների ընթացքում գրանցելով զուտ շահույթի և սեփական կապիտալի եկամտաբերության զգալի աճ։

Այս ամենի շնորհիվ Արդշինբանկը հնարավորություն է ունեցել իրականացնել նշանակալի ձեռքբերումներ, ինչպիսիք են 2016 թվականին «Առէքսիմբանկի» և 2024 թվականին «Էյչ-Էս-Բի-Սի Բանկ Հայաստան» ՓԲԸ- ձեռքբերումը, որոնք արագացրել են Բանկի ընդլայնումը: Բանկը ներկայացուցչություն ունի նաև Փարիզում։

2025 թվականի նոյեմբերի 25-ից «Արդշինբանկ» փակ բաժնետիրական ընկերությունը վերակազմավորվել է բաց բաժնետիրական ընկերության և գործում է «Արդշինբանկ» բաց բաժնետիրական ընկերություն («Արդշինբանկ» ԲԲԸ) անվամբ: