Կարեն Սաֆարյանը 2003 թվականից հանդիսանում է «Արդշինբանկ» ՓԲԸ խորհրդի նախագահ։
Աշխատանքային գործունեության սկզբում, 1995-1997 թվականներին Կարեն Սաֆարյանը աշխատել է Ռուսաստանի Դաշնության «Տրանզիտ» ՓԲԸ-ում՝ որպես գլխավոր տնօրեն։ Հաջորդիվ նա հանդիսացել է է «Ռոսավիասպեցկոմպլեկտ» ՓԲԸ գլխավոր տնօրեն, որից հետո նույն ընկերության խորհրդի նախագահ։
2001-2017 թվականներին Կարեն Սաֆարյանը ստանձնել է «Միջազգային բիզնես կենտրոն» ՀՁ ՓԲԸ տնօրենների խորհրդի նախագահի պաշտոնը։
Կարեն Սաֆարյանն ավարտել է Ադրբեջանի պոլիտեխնիկական ինստիտուտը։
Կարեն Սաֆարյանը ծնվել է 05.01.1963 թվականին, ամուսնացած է, ունի 3 դուստր:
Արամ Անդրեասյանը ստանձնել է «Արդշինբանկ» ՓԲԸ խորհրդի անդամի պաշտոնը 2009 թվականին։ Մինչ այդ, 1994-1998 թվականներին հանդիսացել է «Արդշինբանկ» ԲԲԸ վարչության նախագահի տեղակալ և վարչության նախագահ, 2003-2009 թվականներին զբաղեցրել է «Արդշինինվեստբանկ» ՓԲԸ վարչության նախագահի պաշտոնը, իսկ 2005-2006 թվականներին հանդիսացել է խորհրդի անդամ-վարչության նախագահ։
2005 թվականից սկսած Արամ Անդրեասյանը զբաղեցնում է «Միջազգային Բիզնես Կենտրոն» ՀՁ ՓԲԸ տնօրենների խորհրդի նախագահի տեղակալի-խորհրդի անդամի պաշտոնը։
Նախքան բանկային ոլորտում գործուներություն սկսելը՝ 1980-1992 թվականներին, Արամ Անդրեասյանը աշխատել է «Հրազդան-Մաշ» արտադրական միավորումում՝ որպես տնտեսագետ, պլանավորման բաժնի պետ, ֆինանսական բաժնի պետ և գլխավոր տնօրենի տեղակալ։ 1992-1994 թվականներին աշխատել է Հրազդանի շրջանի հարկային պետական տեսչությունում՝ որպես տեսչության պետ, իսկ 1998-2003 թվականներին ՀՀ նախագահի վերահսկողության ծառայությունում աշխատել է որպես վերահսկողության ծառայության պետի խորհրդատու և ՀՀ գործադիր իշխանության վերահսկող մարմինների բաժնի վարիչ։
Արամ Անդրեասյանն ավարտել է Երևանի ժողովրդական տնտեսության ինստիտուտը։
Արամ Անդրեասյանը ծնվել է 11.10.1955 թվականին, ամուսնացած է, ունի 1 որդի, 2 դուստր։
Վաչե Գաբրիելյանը ստանձնել է «Արդշինբանկ» ՓԲԸ խորհրդի անդամի պաշտոնը 2019 թվականից։ Նա հանդիսանում է նաև «Արմենիա Ինշուրանս» ապահովագրական ՍՊԸ խորհրդի անդամ, ինչպես նաև՝ Հայաստանի ամերիկյան համալսարանի «Մանուկեան Սիմոն» գործարարության և տնտեսագիտության ֆակուլտետի դեկանը, 1998 թվականից առ այսօր դասախոսում է ԵՊՀ տնտեսագիտության և Հայաստանի ամերիկյան համալսարանի քաղաքագիտության ֆակուլտետներում։
Հանրային կառավարման և ֆինանսների բնագավառում իր գործունեությունը սկսել է 1990 թվականին՝ որպես ՀՀ Գերագույն Խորհրդի ֆինանսավարկային և բյուջետային հարցերի մշտական հանձնաժողովի փորձագետ։
Վաչե Գաբրիելյանն իր դասախոսական փորձառությունն սկսել է դեռ 1994 թվականին, մինչև 1998 թվականը նա դասախոսել է Ռատգերս համալսարանի հանրային կառավարման և քաղաքագիտության ֆակուլտետներում և եղել է հանրային արտադրողականության կենտրոնի փոխտնօրենը։
1998-2010 թվականներին աշխատել է ՀՀ Կենտրոնական բանկում՝ զբաղեցնելով նախագահի տեղակալի, մինչ այդ՝ նախագահի խորհրդականի և խորհրդի անդամի պաշտոնները:
2010-2013 թվականներին Վաչե Գաբրիելյանը ստանձնել է ՀՀ ֆինանսների նախարարի պաշտոնը, մինչ այդ հանդիսացել է ՀՀ Կառավարության աշխատակազմի ղեկավար-նախարար, 2014 թվականի ապրիլից մինչև նոյեմբերը աշխատել է որպես ՀՀ վարչապետի գլխավոր խորհրդական, այնուհետև հանդիսացել է ՀՀ միջազգային տնտեսական ինտեգրման և բարեփոխումների նախարար, ՀՀ փոխվարչապետ։
Վաչե Գաբրիելյանն ավարտել է ԵՊՀ տնտեսագիտական կիբերնետիկայի ֆակուլտետը, ինչպես նաև ուսանել է ԱՄՆ Նյու Ջերսի նահանգի Ռատգերս համալսարանի հանրային կառավարման ֆակուլտետում։ Ունի փիլիսոփայության գիտությունների թեկնածուի գիտական աստիճան:
Վաչե Գաբրիելյանը ծնվել է 24.11.1968 թվականին, ամուսնացած է, ունի 1 որդի, 1 դուստր։
Ալեքսանդր Ֆոն Գլայխը ստանձնել է «Արդշինբանկ» ՓԲԸ խորհրդի անդամի պաշտոնը 2023 թվականից։ Նա 2018 թվականից առ այսօր զբաղեցնում է «Ուզպրոմստրոյբանկ» ԲԲԸ տնօրենների խորհրդի անդամի և դիտորդական խորհրդի անդամի պաշտոնները, ինչպես նաև հանդիսանում է ТОО Global Expert Development Group ընկերության տնօրենների խորհրդի անդամ։
2014-2017 թվականներին Ալեքսանդր Ֆոն Գլայխը զբաղեցրել է Ռուսաստանի Դաշնության Allianz ապահովագրական ընկերության գլխավոր տնօրենի տեղակալի պաշտոնը և Allianz Ուկրաինայի տնօրենների խորհրդի անդամի պաշտոնը։ 2014-2016 թվականներին աշխատել է որպես Խորվաթիայի Hypo Alpe Adria բանկի գլխավոր տնօրեն, իսկ 2021-2022 թվականներին աշխատել է «Ղազախտելեկոմ» ընկերությունում՝ որպես տնօրենների խորհրդի անդամ, դիտորդական խորհրդի անդամ:
Ալեքսանդր Ֆոն Գլայխն ավարտել է Գերմանայի Ֆ.Վիլհելմի անվան Ռեյնի համալսարանի տնտեսագիտության և իրավունքի ֆակուլտետը։
Ալեքսանդր Ֆոն Գլայխը ծնվել է 16.06.1967 թվականին, ամուսնացած է, ունի 2 որդի ։
Գարեգին Տոսունյանը ստանձնել է «Արդշինբանկ» ՓԲԸ խորհրդի անդամի պաշտոնը 2009 թվականից։ Նա նաև հանդիսանում է Ռուսաստանյան բանկերի ասոցիացիայի նախագահ:
Իրականացնելով գործունեություն ՌԴ ֆինանսաբանկային և հանրային կառավարման ոլորտում՝ Գարեգին Տոսունյանը ղեկավարել է Մոսկվայի ներկայացուցչության լիազորված բանկերի խորհուրդը, ինչպես նաև հանդիսացել է տնտեսական ռեֆորմի հարցերով ՌԴ կառավարության հանձնաժողովի անդամ և «Վարկային կազմակերպությունների վերակազմավորման գործակալություն» ԲԲԸ վարչության անդամ: 1998-1999 թվականներին, աշխատել է ՌԴ կառավարության նախագահի աշխատակազմում՝ որպես ֆինանսավարկային հարցերով կառավարության նախագահի խորհրդական։ 2000-2002 թվականներին Գարեգին Տոսունյանն աշխատել է ՌԴ կառավարությանը կից Ժողովրդական տնտեսության ակադեմիայում և ՌԴ ակադեմիայի պետության և իրավունքի ինստիտուտում։
Գարեգին Տոսունյանն ավարտել է Մոսկվայի Մ. Լոմոնոսովի անվան պետական համալսարանը։ Հանդիսանում է Ֆիզիկա-մաթեմատիկական գիտությունների թեկնածու, իրավաբանական գիտությունների դոկտոր, պրոֆեսոր:
Գարեգին Տոսունյան ծնվել է 14.05.1955 թվականին, ամուսնացած է, ունի 1 որդի, 2 դուստր։
Տիգրան Սարգսյանը ստանձնել է «Արդշինբանկ» ՓԲԸ խորհրդի անդամի պաշտոնը 2022 թվականից։ 2020 թվականից զբաղեցնում է Եվրասիական զարգացման բանկի Կառավարման խորհրդի նախագահի տեղակալի պաշտոնը, իսկ մինչ այդ` 2016 - 2020 թվականներին, հանդիսացել է Եվրասիական տնտեսական հանձնաժողովի կոլեգիայի նախագահ:
Իր գիտական գործունեությունը Տիգրան Սարգսյանը սկսել է 1987-1990 թվականներին՝ աշխատելով որպես ավագ գիտաշխատող ու Հայաստանի տնտեսության և պլանավորման գիտահետազոտական ինստիտուտի միջազգային տնտեսական կապերի գիտահետազոտական խմբի ղեկավար, իսկ 1988-1990 թվականներին՝ երիտասարդ մասնագետների ու գիտնականների հանրապետական խորհրդի նախագահ։
Հանրային կառավարման և ֆինանսների բնագավառում Տիգրան Սարգսյանն սկսել է աշխատել 1990 թվականին՝ հանդիսանալով Գերագույն Խորհրդի պատգամավոր, Ազգային Ժողովի ֆինանսավարկային հարցերով հանձնաժողովի նախագահ։
1995-1998 թվականներին Տիգրան Սարգսյանը գլխավորել է Հայաստանի բանկերի ասոցիացիան։ 1998-2008 թվականներին նա աշխատել է որպես ՀՀ Կենտրոնական բանկի նախագահ, իսկ 2014-2016 թվականներին ստանձնել է Ամերիկայի Միացյալ Նահանգներում Հայաստանի Հանրապետության արտակարգ և լիազոր դեսպանի պաշտոնավարումը։
Տիգրան Սարգսյանը 2008-2014 թվականներին զբաղեցրել է Հայաստանի վարչապետի պաշտոնը։
Տիգրան Սարգսյանն ավարտել է Երևանի ժողովրդական տնտեսության ինստիտուտի պլանավորման ու էկոնոմիկայի ֆակուլտետը և Վոզնեսենսկու անվան Լենինգրադի ֆինանսատնտեսական ինստիտուտը։ Ունի տնտեսագիտության թեկնածուի գիտական աստիճան:
Տիգրան Սարգսյանը ծնվել է 29.01.1960 թվականին, ամուսնացած է, ունի 2 որդի, 1 դուստր։