Կարեն Սաֆարյանը հանդիսանում է «Արդշինբանկ» ԲԲԸ խորհրդի նախագահ բանկի հիմնադրման պահից՝ 2003 թվականից։

Կարեն Սաֆարյանն իր աշխատանքային գործունեությունը սկսել է ԲՈՒՀ-ը ավարտելուն պես՝ 1985 թվականին։ Մինչև 1994 թվականը նա աշխատել է Հայաստանի տարբեր արդյունաբերական կազմակերպություններում՝ որպես ինժեներ։ Հետագայում նա տեղափոխվել է Ռուսաստան, ուր սկսել է ձեռներեցի իր կարիերան։

Արդեն 2000-ականների սկզբին Կարեն Սաֆարյանն ուներ մի քանի տասնյակ բիզնեսներ Ռուսաստանում ու Հայաստանում։ Բացի բանկային բիզնեսից, այդ ժամանակահատվածում Կարեն Սաֆարյանի բիզնես հետաքրքրությունները հիմնականում վերաբերում էին արդյունաբերական ու շինարարական ոլորտներին։ Թերևս ամենանշանակալի շինարարական նախագծերից են եղել Երևանում Կառավարության թիվ 3 ու Երևանի քաղաքապետարանի շենքերի կառուցումը։

2007 թվականից հետո Կարեն Սաֆարյանը փոխել է իր բիզնես հետաքրքրությունների շրջանակն ու աստիճանաբար դուրս եկել Ռուսաստանի շուկայից։ Զուգահեռաբար, հատկապես 2008 թվականի ճգնաժամից հետո, նա նաև դադարեցրել է շինարարության ու արդյունաբերական ոլորտներում իր նախագծերը։

Սկսած 2019 թվականից Կարեն Սաֆարյանի ամբողջ բիզնես գործունեությունը կենտրոնացված է Հայաստանում՝ ֆինանսական ոլորտում։ Կարեն Սաֆարյանի հիմնադրած «Արինս գրուպ» հոլդինգային ընկերության կազմում ներկայումս գործում են «Արդշինբանկ» ԲԲԸ, «Արմենիա Ինշուրանս» ԱՍՊԸ, ներդրումային մի շարք ֆոնդեր։

Կարեն Սաֆարյանն ավարտել է Ադրբեջանի պոլիտեխնիկական ինստիտուտը։

Կարեն Սաֆարյանը ծնվել է 05.01.1963 թվականին, ունի 3 դուստր:

Արամ Անդրեասյանը ստանձնել է «Արդշինբանկ» ԲԲԸ խորհրդի անդամի պաշտոնը 2009 թվականին։ Մինչ այդ, 1994-1998 թվականներին հանդիսացել է «Արդշինբանկ» ԲԲԸ վարչության նախագահի տեղակալ և վարչության նախագահ, 2003-2009 թվականներին զբաղեցրել է «Արդշինինվեստբանկ» ՓԲԸ վարչության նախագահի պաշտոնը, իսկ 2005-2006 թվականներին հանդիսացել է խորհրդի անդամ-վարչության նախագահ։

Նախքան բանկային ոլորտում գործուներություն սկսելը՝ 1980-1992 թվականներին, Արամ Անդրեասյանը աշխատել է «Հրազդան-Մաշ» արտադրական միավորումում՝ որպես տնտեսագետ, պլանավորման բաժնի պետ, ֆինանսական բաժնի պետ և գլխավոր տնօրենի տեղակալ։ 1992-1994 թվականներին աշխատել է Հրազդանի շրջանի հարկային պետական տեսչությունում՝ որպես տեսչության պետ, իսկ 1998-2003 թվականներին ՀՀ նախագահի վերահսկողության ծառայությունում աշխատել է որպես վերահսկողության ծառայության պետի խորհրդատու և ՀՀ գործադիր իշխանության վերահսկող մարմինների բաժնի վարիչ։

Երկար տարիներ զբաղեցրել է «Միջազգային Բիզնես Կենտրոն» ՀՁ ՓԲԸ տնօրենների խորհրդի նախագահի տեղակալ-խորհրդի անդամի պաշտոնը։

Արամ Անդրեասյանն ավարտել է Երևանի ժողովրդական տնտեսության ինստիտուտը։

Արամ Անդրեասյանը ծնվել է 11.10.1955 թվականին, ամուսնացած է, ունի 1 որդի, 2 դուստր։

Ալեքսանդր Ֆոն Գլայխը ստանձնել է «Արդշինբանկ» ԲԲԸ խորհրդի անդամի պաշտոնը 2023 թվականից։ 

Միաժամանակ հանդիսանում է ТОО Global Expert Development Group Տնօրենների խորհրդի անդամ, իսկ 2025 թվականի հուլիսից՝ նաև Ուզբեկստանի Ազգային բանկի Դիտորդ խորհրդի անդամ։ 

Նախկինում զբաղեցրել է մի շարք ղեկավար պաշտոններ ֆինանսական ոլորտում.

2016–2020 թթ. աշխատել է որպես ֆինանսական տնօրեն «ՅունիԿրեդիտ Բանկ»-ում (UniCredit Bank), Ղազախստան։ 

1999–2003 թթ.  «ՊրոԿրեդիտ Բանկ»-ում ((ProCredit Bank), Վրաստան)  զբաղեցրել է գործադիր տնօրենի պաշտոնը։ 2003–2006 թթ. աշխատել է որպես ներդրումային գծով տնօրեն Միջազգային ֆինանսական կորպորացիայում (IFC), Համաշխարհային բանկի խմբում։ 2006–2008 թթ. եղել է գործադիր տնօրենի տեղակալ «Կասպի Բանկ»-ում (Kaspi Bank)։ 

2014-2016 թվականներին աշխատել է որպես Խորվաթիայի Hypo Alpe Adria բանկի գլխավոր տնօրեն, իսկ 2014-2017 թվականներին Ալեքսանդր Ֆոն Գլայխը զբաղեցրել է Ռուսաստանի Դաշնության Ալիանզ (Allianz) ապահովագրական ընկերության գլխավոր տնօրենի տեղակալի պաշտոնը և Allianz Ուկրաինայի տնօրենների խորհրդի անդամի պաշտոնը։ 2018–2023թթ. եղել է «Ուզպրոմստրոյբանկ» ԲԲԸ-ի Տնօրենների խորհրդի և Դիտորդ խորհրդի անդամ, իսկ 2021–2022 թթ՝ տնօրենների խորհրդի անդամ «Կազախտելեկոմ»-ում (Kazakhtelecom)։

Ալեքսանդր ֆոն Գլայխը ավարտել է Բոննի համալսարանի (Գերմանիա)՝ տնտեսագիտության և իրավունքի ֆակուլտետը։

Ալեքսանդր Ֆոն Գլայխը ծնվել է 16.06.1967 թվականին, ամուսնացած է, ունի 3 որդի ։

Ֆիլիպպ Դեռ Մեգրեդիտչիանը ստանձնել է «Արդշինբանկ» ԲԲԸ խորհրդի անդամի պաշտոնը 2025 թվականին։ Նա հանդիսանում է Փարիզում հիմնված ներդրումային ընկերության Olma Holdings SAS նոր ներդրումային հարթակի գլխավոր գործադիր տնօրենը, ինչպես նաև 2012 թվականից մինչև 2025 թվականի սեպտեմբերը եղել է OLMA Capital Management ներդրումների կառավարման ընկերության ղեկավարն ու հիմնադիրը, որը կառավարում է OLMA Luxury Holdings-ը։

Մասնավոր կապիտալի, միաձուլումների և ձեռքբերումների, ինչպես նաև ֆինանսական խորհրդատվության ոլորտում ավելի քան 25 տարվա փորձ ունեցող Ֆիլիպպ Դեռ Մեգրեդիտչիանը ղեկավար պաշտոններ է զբաղեցրել մի շարք միջազգային ֆինանսական հաստատություններում։ OLMA-ն հիմնադրելուց առաջ Ֆիլիպպը եղել է Baring Vostok Capital Partners-ի գործընկեր (2004-08), Eagle Venture Partners-ի գործադիր տնօրեն (2002-04), որը պատասխանատու էր Ռուսաստանում և Ղազախստանում ՎԶԵԲ-ի ներդրումների վերահսկողության և դուրսբերման համար, Meridian Capital Management միաձուլումների և ձեռքբերումների խորհրդատվական ընկերության հիմնադիր և գործադիր տնօրեն (1997-2002), ինչպես նաև ներդրումային վերլուծաբան Framlington Investments-ում (1993-97) և Crédit Commercial de France-ում (1992-93)։ Նա նաև ակտիվորեն ներգրավված է այլ մասնագիտական գործունեություններում՝ լինելով Domaine Chanzy SA-ի նախագահը և զբաղեցնելով ղեկավար պաշտոններ Caviar House & Prunier Group SA-ում և Artemest Srl-ում։

Ֆիլիպպ Դեռ Մեգրեդիտչիանը ունի բիզնեսի կառավարման մագիստրոսի աստիճան Փարիզի École des Hautes Études Commerciales (HEC)-ից։